2024 jyly álemdik konteınerlik tasymaldar naryǵy 6% ósýi múmkin

<p>ASTANA. KAZINFORM &ndash; 2024 jyldyń qorytyndysy boıynsha álemdik konteıner naryǵynyń kólemi 6%-ǵa ósýi múmkin. Mundaı boljamdy A.P. Moller-Maersk A/S (APMM) transulttyq kompanııasy usyndy.</p>

2024 jyldyń mamyr aıynda Maersk álemdik konteınerlik tasymaldar naryǵynyń ósimin 2,5-4,5% aralyǵynda bolady dep baǵalaǵan edi. Tamyz aıynda kompanııa óz boljamyn joǵarylatyp, 4-6% aralyǵyna dep túzetti.

«2024 jylǵa arnalǵan álemdik konteınerlik tasymaldar naryǵynyń ósim boljamy qaıta qaraldy jáne shamamen 6% quraıdy (burynǵy kórsetkish 4-6% edi)», - delingen APMM-niń osy aptada jarııalanǵan habarlamasynda.

Eske sala keteıik, HVQ esebine sáıkes, jyl basynda Qyzyl teńizdegi daǵdarysqa baılanysty bıylǵy jyldyń alǵashqy eki aıynda Sýets kanaly arqyly ótetin saýda kólemi jyldyq kórsetkishte 50%-ǵa tómendedi, al Qaıyrymdy úmit múıisi arqyly tranzıtpen ótetin saýda kólemi 2023 jylǵy deńgeımen salystyrǵanda shamamen 74%-ǵa ósti.

Buǵan deıin Qazaqstan-Qytaı munaı qubyrynyń ótkizý múmkindigin ulǵaıtý sharalary qolǵa alynǵanyn jazǵan edik.