2024 jyly 33 mlrd teńgeniń astyǵy satyldy

<p>ASTANA. KAZINFORM - Azyq-túlik korporatsııasy jyl basynan beri 33 mıllıard teńgege jýyq qarjyǵa 300 myń tonnadan astam astyq satqan. Qus jáne mal sharýashylyqtary, qaıta óńdeý kásiporyndary dástúrli astyqty satyp alýshyǵa aınaldy, dep habarlaıdy QR AShM baspasóz qyzmeti.&nbsp;</p>

Satylǵan astyqtyń jalpy kóleminiń 80 myń tonnasy eksportqa satyldy.

Ulttyq kompanııa jyl basynan beri Qytaıǵa bıdaı, arpa jáne zyǵyr tuqymyn jetkizý boıynsha 11 eksporttyq kelisimshart jasasqan. Azyq-túlik korporatsııasynyń aǵymdaǵy rezervteri ishki jáne syrtqy naryqtaǵy saýda kólemin arttyrýǵa múmkindik beredi. Qazirgi ýaqytta 1,2 mıllıon tonna astyq qory bar.

Azyq-túlik korporatsııasy kólemderdi satýdan túsken qarajatty nesıeler boıynsha paıyzdardy óteýge jáne jańa ónimnen jyl saıynǵy astyq satyp alýǵa jumsaýdy josparlap otyr. Bul astyq pen jemshóptiń turaqty rezervtik qoryn qajetti kólemde jańartý úshin qajet.

Aıta keteıik, Azyq-túlik korporatsııasy taýar bırjasynda bırjalyq saýda arqyly astyq satýdy jalǵastyrýda.