2024 jylǵy jeńildetilgen ıpotekalyq turǵyn úı baǵdarlamalary
«2-10-20» jáne «5-10-20» baǵdarlamalary
Bul baǵdarlamalar boıynsha kredıtter 10% mólsherinde bastapqy jarna bolǵan kezde jyldyq 2% jáne 5% (tıisinshe 2% - dan jáne 5,2% - dan bastap) stavkalar boıynsha beriledi. Nesıeleý merzimi – 20 jylǵa deıin.
Jergilikti atqarýshy organdarda turǵyn úı kezeginde turǵan kelesi sanattaǵy azamattar (jyldyq 2% stavka boıynsha qoljetimdi qaryzdarǵa (2% - dan bastap SES) úmitker bola alady:
- Birinshi jáne ekinshi toptaǵy múgedektigi bar adamdar;
- Múmkindigi shekteýli balalary bar nemese tárbıelep otyrǵan otbasylar;
-Jetim balalar men ata-anasynyń qamqorlyǵynsyz qalǵan balalar;
- «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kópbalaly otbasylar, kópbalaly analar.
Baǵdarlamaǵa qatysýshylar turǵyn úıge kezekke qoıý kúni men sanatyna qarap irikteledi. Áleýetti qatysýshylardy irikteýde birinshi kezekte 1 jáne 2 toptaǵy múgedekterge jáne múmkindigi shekteýli balalardy tárbıelep otyrǵan otbasylarǵa basymdyq beriledi.
5% mólsherleme boıynsha zaımdar jergilikti atqarýshy organdarda turǵyn úı kezeginde turǵan azamattardyń barlyq basqa sanattaryna qoljetimdi.
Memlekettik baǵdarlamalarǵa qatysýǵa ótinimderdi qabyldaý jyljymaıtyn múlik portalynda (otbasybank.kz) satylatyn obektiler sheńberinde júzege asyrylady. Osy baǵdarlamalar boıynsha jyljymaıtyn múlikti zaım arqyly alýshy turǵyn úıge kezeginde turǵan aımaqta satyp alýy tıis.
Jastarǵa arnalǵan turǵyn úı baǵdarlamasy
Jastar baǵdarlamalary Almaty, Astana, Aqtóbe, Almaty, Atyraý, Jambyl, Jetisý, Batys Qazaqstan, Qaraǵandy, Qostanaı, Qyzylorda, Mańǵystaý Abaı, Ulytaý jáne Pavlodar oblystarynda iske qosyldy.
Baǵdarlamaǵa Qazaqstannyń 35 jasqa deıingi kez kelgen azamaty qatysa alady. Oǵan erli-zaıyptynyń bireýi ǵana qatysa alady. Ótinim bergen kezde qatysýshynyń resmı jumys ótili 6 aıdan 12 aıǵa deıin bolýy kerek. Sonymen qatar sońǵy 5 jyl ishinde qatysýshynyń menshiginde jyljymaıtyn múlik bolmaýy tıis.
Bank turǵyn úı qunyna emes, tek nesıe somasyna shekteý qoıa alady. Aımaqqa baılanysty ol 10 mln teńgeden 20 mln teńgege deıin aýytqıdy. Eger tańdalǵan optsııa qymbattyraq bolsa, onda baǵdarlamaǵa qatysýshylar qaryz somasy men turǵyn úı baǵasy arasyndaǵy aıyrmashylyqty ózi jabady.
Jastar baǵdarlamasy boıynsha bastapqy jarna – 10%, al paıyzdyq mólsherleme – jyldyq 5%-dan (JES-5,2% - dan). Ipotekanyń maksımaldy merzimi – 19 jylǵa deıin.
Jas ǵalymdarǵa arnalǵan baǵdarlama
Baǵdarlama QR Ǵylym jáne joǵary bilim mınıstrligimen birlesip, jas ǵalymdardy qoldaý, turǵyn úı satyp alýǵa jeńildikti kredıtter berý úshin iske asyrylyp jatyr.
Qarjylandyrýdyń jalpy kólemi – 5 jyl. 1000 jas ǵalymdy qoldaýǵa arnalǵan qarjy kólemi – 16,6 mlrd teńge.
Baǵdarlama QR Ǵylym jáne joǵary bilim mınıstrligine, Ǵylym komıtetine jáne mınıstrliktiń til saıasaty komıtetine vedomstvolyq baǵynysty uıymdarda ǵylymı zertteýlermen aınalysatyn ǵalymdar úshin qoljetimdi. Bul ǵalymdardyń granttyq nemese baǵdarlamalyq-nysanaly qarjylandyrýmen ǵylymı jobalarǵa, sondaı-aq ǵylymı qyzmet nátıjelerin kommertsııalandyrý jobalaryna qatysýdy qosa alǵanda, keminde magıstr dárejesi jáne ǵylymı-zertteý jumysynyń keminde 3 jyl tájirıbesi bolýy tıis.
Ǵalymdarǵa arnalǵan turǵyn úı baǵdarlamasy jyldyq 5% stavka boıynsha (JES 5,2% bastap) eń az bastapqy jarnamen 10% - dan nesıe alýǵa múmkindik beredi. Baǵdarlamaǵa qatysýshyǵa beriletin kredıttiń eń kóp somasy – 20 mln teńgege deıin.
«Jasyl ıpoteka» aıasynda qaryz alý múmkindigi bar. Nesıeniń eń joǵary somasy 35 mln teńgege deıin. Qaryz boıynsha mólsherleme -jyldyq 8% (JES 8,2% - dan bastap). Bastapqy jarna 20% - dan 50% - ǵa deıin.
Baǵdarlama aımaqtar boıynsha turǵyn úı tańdaýdy shektemeıdi, ıaǵnı eldiń kez kelgen qalasynda jyljymaıtyn múlik satyp alýǵa múmkindik beredi. Qatysýshylardyń tizimin jumys berýshi qalyptastyrady, al kredıtke ótinimderdi bank ǵylymı mekemeler men joǵary oqý oryndarynyń tizimine engizilgen tıisti uıymnyń joldamasy negizinde qabyldaıdy.
Baǵdarlamaǵa qatysýshynyń jáne onyń otbasy músheleriniń menshiginde sońǵy 5 jyl ishinde baspana bolmaýy kerek. Úmitkerdiń jasy 40-tan aspaýy qajet. Kredıt berýdiń ashyqtyǵy maqsatynda baǵdarlamada qaryz alǵan qatysýshylar týraly aqparat qaryz alýshylardyń kelisimimen banktiń resmı saıtynda jarııalanatyny kózdelgen.
«Dıplommen – aýylǵa» baǵdarlamasy
Joba turǵyn úı satyp alýǵa nemese salýǵa nesıe berýdi kózdeıdi. Qaryzdyń eń joǵary somasy – 1500 AEK-ke deıin. Kredıt boıynsha mólsherleme 0,01% - ǵa teń (SESV – jyldyq 0,01% - dan bastap). Sondaı-aq baǵdarlama sheńberinde aýyldarda kóterme járdemaqy tóleý qarastyrylǵan. Azamattardan ótinimder jyljymaıtyn múlik portalynda onlaın rejımde qabyldanady otbasybank.kz.
«Dıplommen – aýylǵa» baǵdarlamasyna kez kelgen jastaǵy qazaqstandyqtar qatysa alady. Eń bastysy, olardyń dıplomy bar jáne birqatar mamandyq boıynsha jumys isteıdi. Bul densaýlyq saqtaý, bilim berý, áleýmettik qamsyzdandyrý, mádenıet, sport, agroónerkásiptik keshen mamandary, aýyldyq okrýgter ákimderi apparattarynyń memlekettik qyzmetshileri (ákimder men ákimderdiń orynbasarlaryn qospaǵanda).
Aýdandyq ákimdikter men oblystyq mańyzy bar qalalardyń ákimdikteri jyl saıyn óz eldi mekeninde joǵaryda atalǵan mamandyqtardan talap etiletin qyzmetkerlerdiń tizbesin jasaıdy jáne sol tizbe sheńberinde memlekettik qoldaý kórsetiledi.
Zaım (qaryz) - maman jumys isteıtin eldi mekende turǵyn úı satyp alýǵa nemese salýǵa beriledi. Nesıeniń maksımaldy merzimi – 15 jyl. Shart boıynsha jobaǵa qatysýshy aýyldyq jerlerde mamandyq boıynsha 3 jyl jumys isteýi kerek.
Eske sala keteıik, byltyr jeltoqsanda jastarǵa arnalǵan «9-20-25» jańa baǵdarlamasy ázirlenip jatqany týraly habarlaǵan edik.