2024 jyldyń sońyna deıin «Atyraý-Astrahan» avtojolynyń qurylysy aıaqtalady

<p>ATYRAÝ. KAZINFORM &ndash; Respýblıkalyq mańyzy bar &laquo;Atyraý-Astrahan&raquo; avtomobıl jolynyń 616-833 shaqyrymynyń Reseı Federatsııasyna deıingi ýchaskesinde qaıta jańartý jumystary júrgizilip jatyr. Bul týraly &laquo;QazAvtoJol&raquo; UK&raquo; AQ habarlady.&nbsp;</p>

Bul ýchaskedegi jumystar 2018 jyly bastaldy. Búgingi kúni 60 shaqyrym jol aıaqtalyp, qoldanysqa berildi. Qazirgi tańda qalǵan 217 shaqyrym jolda qaıta jańarý (616 shaqyrymnan 833 shaqyrymǵa deıin) atqarylýda. 

Jobanyń halyqaralyq standarttarǵa sáıkes oryndalýyna baılanysty, jergilikti kompanııalarmen qatar, Italııa, Túrkııa jáne Ázerbaıjan elderiniń kompanııalary da qatysyp jatyr. Bıyl sý tasqynyna qaramastan, merdiger kompanııalar jumysqa qarqyndy túrde kirisip ketti.

Qazirgi ýaqytta jobaǵa 400-ge jýyq arnaıy jóndeý-qurylys tehnıkasy men 650 asa jumysshylar jumyldyryldy. Byltyr 616-833 shaqyrym aralyǵyndaǵy ýchaskede uzyndyǵy 210 shaqyrym bolatyn kólemi 3,7 mln. m3 jol tóseminiń qurylysy aıaqtaldy. Sondaı-aq 187,5 shaqyrym aralyqta negizgi qabat jáne 187 shaqyrymda iri asfaltobeton tastardan tómengi qabaty tóseldi. 

2024 jyldyń basynan beri 22 myń tonnadan astam asfaltobeton tóselip, ol 9 shaqyrym joldy qurady. Bul aımaqta ınertti materıaldardyń tapshylyǵyna baılanysty jobadaǵy qaıta jańarý jumystary uzaq ýaqytqa sozylýda. Joldy soǵýǵa qajetti qıyrshyq tastar qurylys nysanyna 1 000 shaqyrymnan astam jerde ornalasqan Muǵaljar jáne Birshoǵyr stansalarynan temirjol arqyly jetkiziledi. Buryn bul ýchaske arqyly jol júrý uzaqtyǵy 5 saǵat bolsa, qazir búkil joldy 2 saǵattyń ishinde júrip ótýge bolady. 2024 jyldyń sońyna deıin joba jumystaryn aıaqtaý josparlanyp otyr.