2024 jyldyń 17 naýryzynda Reseıde Prezıdent saılaýy ótedi

<p>Federatsııa keńesi plenarlyq otyrysta Reseı Federatsııasy prezıdentin saılaýdy 2024 jyldyń 17 naýryzyna taǵaıyndaý týraly qaýly qabyldady, ol resmı jarııalanǵan sátten bastap kúshine enedi. <a href="https://kaz.inform.kz/" target="_blank" rel="noopener">Kazinform</a> bul týraly reseılik TASS jańalyqtaryna silteme jasap habarlaıdy.</p>

— RF Federaldy keńesi Reseı Federatsııasy prezıdentin saılaýdy 2024 jyldyń 17 naýryzyna belgileý týraly sheshim qabyldady. Qaýly resmı jarııalanǵan kúnnen bastap kúshine enedi, — delingen qujatta.

Sheshim biraýyzdan qabyldanyp, oǵan 162 senator daýys berdi.

Federatsııa keńesiniń Konstıtýtsııalyq zańnama jáne memlekettik qurylys komıtetiniń basshysy Andreı Klıshas Federatsııa keńesi qaýlysynyń kúshine enýi is júzinde saılaý naýqanyn bastaıtynyn aıtty. Sonymen qatar, senator Reseıdiń ortalyq saılaý komıteti saılaý kúnin bekitý týraly sheshim jarııalanǵan kúnnen bastap 10 kún merzimnen keshiktirmeı kópkúndik daýys berý týraly sheshim qabyldaýy múmkin ekenin jetkizdi.

Saılaý zańnamasyna sáıkes, saılaý kúnin Federatsııa keńesi bekitedi. Parlamenttiń joǵarǵy palatasy daýys berý kúnin saılaýǵa deıin 100 kúnnen erte emes nemese 90 kúnnen keshiktirmeı belgileýi tıis.