2024 jyl: Tabıǵı sulýlyq trendte

<p>ALMATY. KAZINFORM &ndash; Sulýlyq ındýstrııasy kún sanap damyp keledi. Qazir qyz-kelinshekter kórikti bolýdyń qupııasyn medıtsına men kosmetologııadan izdeıdi. Kelisti keskin, ádemi pishin, qyr muryn...Tize bersek, kóp-aq. Tabıǵı sulýlyq pen jasandy sulýlyqtyń aıyrmashylyǵy nede? Bettegi kemshilikter men aqaýlardy joıýǵa, erte qartaıýdy boldyrmaýǵa jáne jasqa baılanysty ózgeristermen kúresýge baǵyttalǵan qandaı protsedýra bar. Bul jaıynda Ulttyq gospıtaldyń dermatovenerolog dárigeri, kosmetolog Mýhabat Nasyrovadan surap kórdik.</p>

- Qazir sulýlyq áleminde plastıkalyq ota jasatý sánge aınaldy. Elimizde de bul sala birinshi orynda tur. Al kosmetologııa qalaı damyp jatyr?

- Kosmetologııa salasy da bir ornynda turǵan joq. Aıtarlyqtaı oń ózgerister bar. Buǵan osy mamanyń qyzmetine júginetin qyz-kelinshekter sanynyń artqany dálel. Qazir kosmetologııa da plastıkalyq hırýrgııa men fızıoterapııanyń qatarynda. Sulýlyq ındýstrııasynda apparattyq túzetý ádisteri, jip ımplantologııasy, ınektsııalar joǵary baǵalanady. Alaıda eshqandaı quraldyń kómeginsiz, qolmen jasalatyn protsedýraǵa árqashan basymdyq bolady. Neırojeliler men mashınalar bárin oıdaǵydaı jasamaıdy. Sondyqtan jeke, kúrdelilik jáne terapııa qatar júredi.

– Qyz-kelinshekterge 2024 jyldyń trendi týraly aıtyp berseńiz, neni eskergen jón?

- Osy jyly mınımalızm nemese tabıǵı sulýlyq trendte. Adam ózine kútim jasasa, únemi tólqujattaǵy jasynan jas kórinetin bolady. Kosmetologtyń jumysy baıqalmaǵany abzal. Shynaılyqqa jaqyn bolý kerek. Eýropalyq qabaq, Djolı pishini, Malıfıtsent bet súıekteri, túlki kózder – antı-trend. Olar kosmetologııanyń barlyq erejesine qaıshy. Qazir názik jandylar osyny túsindi.

Foto: Keıipker

– Kosmetologqa qansha jastan barǵan durys?

- Men kosmetolog mamanǵa 18 jastan bastap júginýge keńes beremin. Qazir jastar ony jaqsy biledi. Tek durys mamandy tańdaý kerek, zertteýlerden ótken sertıfıkattalǵan preparattary bar dárigerlerge barǵan jón.

Teri – adamnyń eń úlken múshesi. Aýrýdy teridegi belgi arqyly anyqtaýǵa bolady. Mysaly, men patsıentterden olardyń qandaı aýrýlary men patologııalary bar ekenin birden anyqtaımyn, tipti psıholog qajet bolǵan kezdi de baıqaımyn. Óıtkeni kóptegen aýrý somatıkanyń nátıjesi. Teridegi bezeý psıhologııalyq quramdas bólikke ıe, qazir «lokızm» uǵymy bar, adamdar syrtqy kelbetine qarap qabyldanbaıdy, mundaı kemsitýshilik aıtylmaıdy adam tipti sotta ózin osy úshin jumysqa qabyldamaǵanyn dáleldeı almaıdy. Kúızeliske ushyraǵan adamdy beti men terisinen bilýge bolady. Biraq muny kýrstardan keıin kosmetolog emes, dáriger ǵana anyqtaı alady. TMD elderiniń kosmetologtary álemdegi eń úzdikterdiń biri ekenin atap ótkim keledi.

– Óz jasyńnan qalaı jas kórinýge bolady?

- Adamnyń jasyn ómir súrgen jyldaryna emes, syrtqy kelbetine qarap anyqtaýǵa bolady. Eń bastysy – syrtqy kelbet pen ishki kúıdiń úılesimdiligi. Uıqy, durys tamaqtaný jáne salaýatty ómir salty jastyqtyń basty baǵdary. Eger adam uzaq, salaýatty jáne sapaly ómir súrýdi josparlasa, onda osyny ádetke aınaldyrý kerek. Ár adam qartaıǵansha ómir súrgisi keledi, biraq qartaıǵysy kelmeıdi. Patsıentter ońaltý kezeńinsiz jáne kosmetologpen turaqty baılanyssyz jyldam jáne tıimdi protsedýralardy qalaıdy.

Foto: Keıipkerden

– Betke jasalatyn jattyǵýlardyń paıdasy bar ma?

- Qazir kosmetologtar sándi bet jattyǵýlaryn jasaýdy usynbaıdy, olar tek qosymsha shara. Olar reń beredi, qan aınalymyn jaqsartady, biraq terini jasartpaıdy.

– Dıeta ustaǵan durys pa?

- Vegetarıanshyl men dıeta jastyqtyń jaýy. Aqýyz qabyldamaıtyn adamdardyń aǵzasynda resýrstar taýsylady. Sondyqtan men ony durys dep eseptemeımin. Jaqsy bet – densaýlyq kepili, sondyqtan nátıjege jetý úshin keshendi kózqaras qajet.

– Áńgimeńizge raqmet!