2024 eń ystyq jyl retinde tirkeldi

<p>BRıÝSSELЬ. KAZINFORM &ndash; Bıyl ortasha jahandyq temperatýra anomalııasy 1991-2020 jyldardaǵy ortasha temperatýradan 0,72 gradýsqa joǵary boldy, dep jazady <a href="https://www.aa.com.tr/ru/%D0%BC%D0%B8%D1%80/2024-%D0%B3%D0%BE%D0%B4-%D1%81%D1%82%D0%B0%D0%BB-%D1%81%D0%B0%D0%BC%D1%8B%D0%BC-%D0%B6%D0%B0%D1%80%D0%BA%D0%B8%D0%BC-%D0%B3%D0%BE%D0%B4%D0%BE%D0%BC-%D0%B7%D0%B0-%D0%B2%D1%81%D1%8E-%D0%B8%D1%81%D1%82%D0%BE%D1%80%D0%B8%D1%8E-%D0%BD%D0%B0%D0%B1%D0%BB%D1%8E%D0%B4%D0%B5%D0%BD%D0%B8%D0%B9/3419261" target="_blank" rel="noopener">Anadoly</a>.</p>

Eýropalyq Odaqtyń (EO) Copernicus spýtnıktik monıtorıng júıesiniń málimeti boıynsha, 2024 jyl rekordtyq dárejede «eń ystyq jyl» boldy.

Málimetterge sáıkes, ótken aı «ekinshi eń jyly qarasha» bolǵan jáne jer betindegi aýanyń ortasha temperatýrasy 14,10 gradýsty quraǵan.

Bul 1991-2020 jylǵy qarashadaǵy ortasha kórsetkishten 0,73 gradýsqa joǵary.

2024 jyldaǵy ortasha jahandyq temperatýra anomalııasy (qańtar-qarasha aılarynda) 1991-2020 jyldardaǵy ortasha temperatýradan 0,72 gradýsqa joǵary bolǵan. Bul kórsetkish 2023 jyldyń sáıkes kezeńinen 0,14 gradýsqa jyly bolǵanyn kórsetti.

Osylaısha, «2024 jyl tarıhtaǵy eń ystyq jyl bolady» degen boljam rastaldy.

Copernicus Climate Change Service (C3S) dırektorynyń orynbasary Samanta Berdjesstiń aıtýynsha, 2024 jyl rekordtyq eń ystyq jyl bolýmen qatar jahandyq temperatýranyń kóterilýi 1,5 gradýstan asqan birinshi jyl bolyp otyr.

Sonymen qatar Berdjess «klımatty qorǵaýǵa baǵyttalǵan sharalardy qabyldaý óte mańyzdy» ekenin qosa ketti.

Osyǵan deıin klımattyń ózgerýi búkil álemdegi daýyldyń jyldamdyǵyn ortasha eseppen 29 km/saǵ-qa arttyratynyn jazǵan edik.