2024-2025 oqý jylynda qandaı mamandyqtar suranysqa ıe bolady?

<p>ASTANA. KAZINFORM &mdash;&nbsp;Elimizdiń tehnıkalyq jáne kásiptik bilim berý uıymdarynda qujattardy qabyldaý bastaldy. Jańa oqý jylynda memlekettik bilim berý tapsyrysy boıynsha 145 myń abıtýrıent qabyldanady dep josparlanyp otyr. Bul ótken jylmen salystyrǵanda, 10 myń adamǵa kóp, dep habarlady QR Oqý-aǵartý mınıstrligi.<em> </em><em></em></p>

Memlekettik bilim berý tapsyrysy tehnıkalyq, ıaǵnı geologııa, mashına qurastyrý, energetıka, ІT, metallýrgııa, kólik jáne t.b. mamandyqtar boıynsha kóbeıtildi. Sonymen qatar, bıyl úshinshi jyl qatarynan kolledj abıtýrıentterdi jumysqa ornalastyrý mindettemesimen kásiporyndardyń ótinimderi boıynsha qabyldap jatyr. Bul jyl saıyn eńbek naryǵynyń suranysyna saı mamandyqtarǵa 10 myń stýdentti qabyldaýǵa múmkindik beredi.

Sondaı-aq osy jyldan bastap kolledjge kvota tizimi keńeıtilip, arttyrylady:

I nemese II toptaǵy múgedektigi bar adamdar, bala kezinen múgedektigi bar adamdar, múgedektigi bar balalar arasynan shyqqan azamattar úshin;

bala kezinen múgedektigi bar balalardy, I nemese II toptaǵy múgedektigi bar adamdardy tárbıelep otyrǵan otbasylardaǵy balalar úshin;

áskerge shaqyrý boıynsha merzimdi áskerı qyzmettiń belgilengen merzimin ótkergen Qazaqstan Respýblıkasynyń azamattary úshin.

Esterińizge sala keteıik, abıtýrıentter ótinishti kolledjge qaǵaz túrinde jáne egov.kz portaly arqyly elektrondy túrde eki jolmen bere alady.

Kolledjge túsý úshin 9-synyp túlekteri 25 maýsym men 18 tamyz, 11-synyp túlekteri 25 maýsym men 20 tamyz aralyǵynda qujat tapsyra alady.