2023 jyly zeınetaqy kólemi qanshaǵa ósedi

ASTANA. QazAqparat- 2023 jyly eń tómengi zeınetaqy 53 myń teńge bolady, dep habarlaıdy QazAqparat tilshisi.

21 jeltoqsanda Memleket basshysy Qasym-Jomart Toqaev 2023 jyldyń 1 qańtarynan bastap kúshine enetin «2023-2025 jyldarǵa arnalǵan respýblıkalyq bıýdjet týraly» Qazaqstan Respýblıkasy Zańyna qol qoıdy.

Atalǵan qujatqa sáıkes, memlekettik bazalyq zeınetaqy tóleminiń eń tómengi mólsheri 24 341 teńge, al eń tómengi zeınetaqy – 53 076 teńge bolady.

Sonymen qatar jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine jumsalatyn qarajat 2023 jylǵy 1 qańtardan bastap olardyń mólsherlerin 10,5 paıyzǵa kóterý eskerile otyryp kózdelgen.

Aıta keterligi Biryńǵaı jınaqtaýshy zeınetaqy qory zeınetaqy qarajatyn merziminen buryn paıdalanýdyń 2023 jylǵa eń tómen jetkiliktilik shegin belgiledi. Qor málimetinshe, 2023 jylǵa belgilengen eń tómen jetkiliktilik shegi jas mólsherine baılanysty 3-ten 10 mıllıon teńgege deıingi somany quraıdy.

Tolyǵyraq myna materıaldan oqýǵa bolady.