2023 jyly Ulttyq qorda qalatyn qaldyq qarajat bir jylǵy ІJÓ-niń 30,8 paıyzy kóleminde ǵana bolady
10:22, 25 Tamyz 2020
NUR-SULTAN. QazAqparat - 2023 jyly Ulttyq qorda qalatyn qaldyq qarajat bir jylǵy ishki jalpy ónimniń 30,8 paıyzy kóleminde ǵana bolady. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.
«Respýblıkalyq bıýdjettiń ázirlengen jobasy memlekettik bıýdjet tapshylyǵy men Ulttyq qordan bólinetin transfertter kóleminiń edáýir artýyn kózdeıdi. Nátıjesinde, boljam boıynsha 2023 jyldyń sońyna qaraı Ulttyq qor qarajaty teń azaımaıtyn qaldyǵyna, ІJÓ-niń 30 paıyzyna jaqyndap, ІJÓ-niń 30,8 paıyzyn quraıdy. Osyǵan baılanysty, 2021 jyly kontrtsıkldik bıýdjet erejesiniń engizilýin eskere otyryp, Ulttyq qordyń jınaqtaý fýnktsııasyn saqtaý jáne munaı tapshylyǵyn azaıtý úshin sharalardy qabyldaý qajet bolady», - dedi Ulttyn bank tóraǵasy.