2023 jyly tabıǵı gaz ben kómir arzandaıdy – Dúnıejúzilik bank boljamy

BAKÝ. QazAqparat – Dúnıejúzilik bank (DB) Reseı-Ýkraına qaqtyǵysy saldarynan bıyl 60%-ǵa óskennen keıin 2023 jyly energııa baǵasy 11%-ǵa tómendeıdi dep boljap otyr. Qytaıdaǵy jahandyq ósýdiń baıaýlaýy jáne koronavırýsqa baılanysty shekteýler retsessııaǵa ákelýi múmkin. Bul týraly QazAqparat menshikti tilshisi Reuters-ke silteme jasap habarlaıdy.

DB óziniń sońǵy esebinde Brent markaly munaı barreliniń ortasha baǵasy 2023 jyly 92 dollar, 2024 jyly 80 dollar bolatynyn boljaǵan. Biraq bes jyldyq ortasha kórsetkish 60 dollardan aıtarlyqtaı asyp túsken.

Esepte Eýropalyq Odaqtyń Reseı munaı-gaz ónimderine embargosyna baılanysty Reseı munaıynyń eksporty 5 jeltoqsanda kúshine enetin saqtandyrý jáne jetkizý shekteýlerimen birge kúnine 2 mıllıon barrelge deıin qysqarýy múmkin ekeni aıtylǵan.

«Shıkizat baǵasynyń ósýi men valıýtanyń turaqty qunsyzdanýynyń úılesýi kóptegen elderde ınflıatsııanyń joǵarylaýyna alyp keledi», - dedi Dúnıejúzilik banktiń boljaý tobynyń basshysy Aıhan Kose.

Bank málimeti boıynsha, energııa baǵasy tómendegenine qaramastan sońǵy bes jyldaǵy ortasha deńgeıden 75%-ǵa joǵary bolady.

Foto: REUTERS/Johannes P. Christo