2023 jyly MÁMS tólemderi qalaı ózgerdi

ASTANA. QazAqparat - 2023 jyldyń 1 qańtarynan bastap eń tómengi jalaqy (ETJ) men aılyq eseptik kórsetkishtiń (AEK) artýyna baılanysty mindetti áleýmettik medıtsınalyq saqtandyrý úshin tólenetin jarnalar men aýdarymdar mólsheri ózgerdi. Bul týraly QazAqparat «Áleýmettik medıtsınalyq saqtandyrý qoryna» silteme jasap habarlaıdy.

Jumys berýshiler qyzmetkerleri úshin - jalaqynyń 3%-y mólsherinde, biraq

10 ETJ-dan (eń tómengi jalaqydan) nemese 21 myń teńge artyq emes.

Qyzmetkerler, onyń ishinde azamattyq-quqyqtyq sıpattaǵy shart boıynsha jumys isteıtinder

- tabysynyń 2%-y, biraq

10 ETJ-dan nemese 14 myń teńgeden artyq emes.

Jeke kásipkerler

ETJ-nyń 1,4 eselengen mólsheriniń 5%-y nemese 4 900 teńge.

Ózin-ózi jumyspen qamtyǵan azamattar

✔ Respýblıkalyq jáne oblystyq mańyzy bar qalalardyń turǵyndary úshin BJT kólemi 1 AEK quraıdy, ıaǵnı 3 450 teńge;

✔ Qalǵan eldi mekenderdiń turǵyndary úshin BJT kólemi 0,5 AEK quraıdy, ıaǵnı 1 725 teńge.

Derbes tóleýshiler

1 ETJ-nyń 5%-y nemese 3 500 teńge.

15 jeńildik sanatyna kiretin azamattar úshin memleket tóleıdi.