2023 jyly kýrstarǵa barýy tıis muǵalimder tolyq qamtylady - Ashat Aımaǵambetov

NUR-SULTAN. QazAqparat – 2023 jyly kýrstarǵa barýy tıis muǵalimderdi tolyq qamtımyz. Bul týraly pedagogterdiń respýblıkalyq tamyz konferentsııasynda Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Biliktilikti arttyrý máselesine toqtalsaq, tıisti zań qabyldandy. Endi biliktilikti arttyrý bes jylda bir ret emes, úsh jylda bir ótkiziledi. Bul turǵyda attestatsııa da úsh jylda bir ótkiziledi degendi bildirmeıdi, ıaǵnı ony bes jylda bir ret uıymdastyramyz. Degenmen biz ótkiziletin kýrstardyń sanyn kóbeıtemiz», - dedi A. Aımaǵambetov.

Osy oraıda ol kýrstar jańa formatta uıymdastyrylatynyn jetkizdi.

«1 tamyzdan kýrstardy pán quzyreti boıynsha bastadyq. Aldaǵy jyly pedagogtardy túrli kýrstarmen qamtý úsh ese artady. Osy oraıda kýrstarǵa barýy tıis barlyq muǵalimdi kýrstarmen qamtı alamyz», - dedi vedomstvo basshysy.

Budan buryn habarlanǵandaı, Qazaqstanda oqý úlgerimi tómen oqýshylar úshin arnaıy joba iske qosylady.