«2023 jyly koronavırýstyń ólimge ákeletin shtamy paıda bolady» - feık
«Bul boljamnyń «dáleli» retinde qastandyq teorııasyn jaqtaýshylar kórkem fılmdi jáne The economist jýrnalynyń muqabasyn alǵa tartady. Ekeýin de taldap shyǵaıyq.
Fılm «Tordaǵy qus. Aýrý juqtyrý» («Ptıtsa v kletke. Zarajenıe») dep atalady. Ol 2020 jyly COVID-19 pandemııasy sharyqtaǵan kezde shyqqan. Onda 2023 jyly aýyr derttiń paıda bolǵany, sondaı-aq 2024 jyly qoǵamnyń túbegeıli ózgergeni týraly aıtylady. Іri qalalarda qatań lokdaýn jarııalandy, al naýqastar oqshaýlaý aımaqtaryna jiberilip, olarǵa eshqandaı kómek kórsetilmedi. Bul «Obıtel zla» nemese «Hodıachıe mertvetsy» ómirde bolatynyna sengenmen birdeı.
Tipti, fılmdi túsirgender mıllıondaǵan adamnyń ómirin qıǵan aýrýdy paıdalanyp, óz atyn shyǵarmaq boldy, kórermendi odan saıyn qorqytyp, olarǵa karantındik sharalar men densaýlyq saqtaý júıesiniń jumysy týraly qate túsinik berdi dep aıyptaldy.
The Economist jýrnalynyń muqabasyna keletin bolsaq, onda da jańa pandemııa boljanbaǵan. Paıdalanýshylar silteme jasaǵan basylym 2021 jyldyń 13 jeltoqsanynda shyqqan. Onda ótken jyl qorytyndylanyp, kelesi jyldyń qandaı bolatyny týraly boljamdar jazylǵan. Jýrnal sanynyń muqabasynda buryn bolǵan oqıǵalardyń belgileri men adamdar beınelengen. Máselen, SARS-CoV-2 vırýsynyń sýreti jańa pandemııanyń bolatynyn emes, bastalǵan pandemııanyń beınesi boǵlan», - dep jazady Stopfake.kz.
Aıta keteıik, 2021 jyly The Economist jýrnaly COVID-19 indeti 2022 jyly basylady dep jazdy. Jańa mýtatsııalardyń paıda bolýy jáne karantın sharalarynyń kúsheıtilýi osy jáne basqa maqalalarda aıtylmaǵan.
«Demek, 2023 jyly jazda álemde jańa pandemııa bolady, jańa COVID-23 aýrýy paıda bolady dep sanaýǵa negiz joq», - dep túıindelgen saıtta.