2023 jyly Qazaqstanda lıtsenzııasyz jumys isteıtin týrıstik agentterdi teksere bastaıdy
Osyǵan oraı QazAqparat tilshisi túrli týrıstik mekemeler usynatyn qyzmettiń zańdylyǵyna qatysty mán-jaıdy quzyrly organnan surap bilgen edi.
«Týrıstik qyzmet kórsetetin kompanııalar memlekettik kirister organdarynda jeke kásipker nemese zańdy tulǵa retinde tirkelýi tıis. ıAǵnı atalǵan mekeme týrıstik qyzmet kórsetý boıynsha lıtsenzııa alýy mindetti nemese týragenttik qyzmettiń bastalǵany týraly habarlama jiberýi qajet», - dep túsindirdi QR Mádenıet jáne sport mınıstrliginiń baspasóz qyzmeti.
Mınıstrliktiń málimetinshe, búginde kóptegen týrıstik kompanııa resmı tirkeýiniń joqtyǵyna qaramastan aldyn-ala tólem suraıdy.
«Eger týrıstik fırmalar jeke kásipker nemese zańdy tulǵa retinde tirkeýsiz jáne ruqsatsyz qyzmet kórsetse ol - zańsyz. Agenttiktiń gıd jáne ekskýrsovodtarmen jasalatyn shartty qospaǵanda, týrıstik qyzmet kórsetýge arnalǵan sharttyń bolýy mindetti jáne ol Qazaqstan Respýblıkasynyń zańnamasyna sáıkes kelýge tıis. Sáıkesinshe týrıstik fırma klıentterine qyzmet kórsetýge arnalǵan shartyn usynýy kerek. Sol arqyly taraptar ýaǵdalastyq boıynsha aqy tóleý sharttary men tártibin aıqyndaıdy», - deıdi atalǵan vedomstvodan.
Eger kásipkerlik qyzmet tirkeýsiz jáne ruqsatsyz júzege asyrylyp, biraq qylmystyq jazalanatyn áreket belgileri bolmasa, ondaı jaǵdaıda týrıstik kompanııaǵa aıyppul salynady.
Atap aıtqanda, jeke tulǵalarǵa – 45 945 teńge nemese 15 AEK, laýazymdy tulǵalarǵa, shaǵyn kásipkerlik sýbektilerine nemese kommertsııalyq emes uıymdarǵa – 76 575 teńge nemese 25 AEK, orta kásipkerlik sýbektileri úshin – 122 520 teńge nemese 40 AEK jáne iri kásipkerlik sýbektilerine – 459 450 teńge nemese 150 AEK kólemi aıyppul qarastyrylǵan.
Kásipkerlik nemese ózge de qyzmetpen lıtsenzııasyz aınalysý «Ákimshilik quqyq buzýshylyq týraly» QR kodeksiniń 463-babynyń 1-tarmaǵyna sáıkes ákimshilik quqyq buzýshylyq arqyly tapqan kiristi, qarjy men baǵaly qaǵazdardy qosymsha tárkileýge ákep soǵady.
Jeke jáne zańdy tulǵalardyń ótinishteri negizinde týrızm ındýstrııasy komıteti sýbektilerge tekserý júrgizedi. Degenmen QR Mádenıet jáne sport mınıstrligi QR Prezıdentiniń Jarlyǵyna sáıkes 2023 jylǵa deıin shaǵyn kásipkerlik sýbektilerine, onyń ishinde mıkrokásipkerlik sýbektilerdiń qyzmetin tekserýge, profılaktıkalyq baqylaý men qadaǵalaýǵa moratorıı engizilgenin eske saldy. ıAǵnı týroperatorlardyń, kompanııalar men agenttikterdiń qyzmeti kelesi jyldan bastap tekserile bastaıdy.
Búgingi tańda memlekettik elektrondyq tizilimde 5 614 týrıstik agent, 264 týroperator bar. Onyń ishinde 205 týrıstik operator syrttan keletin jáne ishki týrızm salasynda, 34 - kelý týrızmi salasynda sol sekildi 25 mekeme shyǵý týrızmi salasynda jumys isteıdi. Tekserýge moratorıı engizilgenge deıin Týrızm ındýstrııasy komıtetiniń qyzmetkerleri 2017 jyly 4 ret jospardan tys, 2018 jyly - 12 jospardan tys jáne 2019 jyly 9 ret jospardan tys tekserý júrgizdi.
Júrgizilgen tekserýler qorytyndysy boıynsha materıaldar ákimshilik sottarǵa qaraýǵa jiberildi. Qaraý qorytyndysy boıynsha ákimshilik aıyppul túrinde óndirip alý týraly qaýly shyǵaryldy.
QR Mádenıet jáne sport mınıstrliginiń Týrızm ındýstrııasy komıteti qazaqstandyqtarǵa demalys nemese saıasattaýǵa arnalǵan joldamalardy satyp alǵanǵa deıin týragentterdiń, gıdterdiń, ekskýrsovodtardyń jáne týrızm nusqaýshylarynyń memlekettik elektrondyq tiziliminde týrkompanııalardyń qyzmetin tekserý qajettigin eskertedi.
Qazaqstannan tys jerden bıletti satyp alǵanda, týrıstik kod bolýy kerek. Óz qyzmetin QR azamattarynyń shyǵý týrızmi salasyndaǵy quqyqtaryna kepildik berý júıesi sheńberinde júzege asyratyn týroperatorlar men týragentter týrısterge týrkod beredi. Olar boıynsha aqparatty «Týrıstik Qamqor» korporatıvtik qorynyń saıtynan kórýge bolady.