2023 jyly elordanyń eki aýdanynda sport keshenderi salynady

NUR-SULTAN. QazAqparat – 2023 jyly elordanyń shetkeri aýdandarynda 2 sport kesheni salynady. Bul týraly Nur-Sultan qalasynyń dene shynyqtyrý jáne sport basqarmasynyń basshysy Samat Jylqybaev ákmidiktiń onlaın brıfıngisinde málim etti, dep habarlaıdy QazAqparat tilshisi.

«Búginde Nur-Sultan qalasynda 1016 sport nysany jumys istep tur. Onyń ishinde 32 iri sport nysany bar. Bularda kúnine 7 myńnan astam adam sportpen shuǵyldanady.

Halyqtyń sportpen erte jastan shuǵyldanýyn qamtamasyz etý úshin, sportqa buqaralyq sıpat berý úshin 2021 jyly Kóktal, Óndiris, Úrker, Jeleznodorojnyı turǵyn alaby sııaqty shetkeri aýdandarda 4 dene shynyqtyrý-saýyqtyrý keshenin salý josparlanǵan bolatyn. Kóktal men Óndiriste eki keshen qoldanysqa berildi. Jeleznodorojnyı men Úrkerde 2023 jyly paıdalanýǵa berý josparlanýda», - dedi basqarma basshysy.

Sondaı-aq ol Qajymuqan Muńaıtpasuly atyndaǵy keshenniń qazirgi ahýalyna toqtaldy.

«Qajymuqan Muńaıtpasuly atyndaǵy fýtbol stadıony qaıta jaraqtaýdan ótip jatyr. Bul stadıon eskirip bolǵan dep aıtýǵa bolady. Qazir «Eýro-3» standarty boıynsha joba iske asýda. ıAǵnı stadıonnyń syıymdylyǵy 4,5 myń adamǵa jetedi. Alańdaǵy shalǵyn jabynyn UEFA sertıfıkattaıdy. Sonyń arqasynda sporttyq sharalardy, Premer-lıga machtaryn op-ońaı ótkize alamyz. Bul bizdiń Astana Artena-dan keıingi qosymsha stadıonymyz bolady.

Búginde «Qazaqstan» sport kesheni rekonstrýktsııalanyp jatyr. Buryn aýdany 10 myń sharshy metr bolsa, taǵy 4 myń sharshy metrge keńeıedi. Jattyǵý zaldary sońǵy tehnologııalyq buıymdarmen jabdyqtalady. Qazir bul aýmaq qalalyqtar eń kóp baratyn orynnyń biri», - dedi ákimdik ókili.