2023 jyly elorda men Almatyda ǵylymı-ınnovatsııalyq kópbeıindi klınıka ashylady

NUR-SULTAN. QazAqparat – 2023 jyly elorda men Almatyda ǵylymı-ınnovatsııalyq kópbeıindi klınıka paıdalanýǵa beriledi. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Memleket basshysynyń tapsyrmalaryn iske asyrý aıasynda Nur-Sultan jáne Almaty qalalarynda 2 ǵylymı-ınnovatsııalyq kópbeıindi klınıka salynyp jatyr. Kelesi jyldyń basynda qyzmet kórsetýge beriledi. Bul ortalyqtar JCI talaptaryn eskere otyryp, halyqaralyq sapa standarttaryna sáıkes bolady», - dedi Ajar Ǵınııat Ortalyq kommýnıkatsııalar qyzmetinde ótken baspasóz máslıhatynda.

Sonymen qatar ol Prezıdent memlekettik-jekeshelik áriptestik tetikterin paıdalana otyryp, 20 aýrýhana salýǵa qatysty da tapsyrma bergenin atap ótti.

«Osy tapsyrma qaıta qaralyp, 8 jobaǵa deıin ońtaılandyryldy, 5 ýnıversıtettik aýrýhana, 3 kópbeıindi aýrýhana salý josparlanyp otyr», - dedi mınıstr.

Osyǵan deıin Bıyl 20 aýylda ambýlatorııalyq-emhanalyq uıym ashylatynyn habarlaǵan edik.