2023 jyly adam quqyqtaryn qorǵaýǵa baǵyttalǵan is-sharalar ótedi – Elvıra Ázimova
«2023 jyly BUU-nyń Adam quqyqtaryna baılanysty deklaratsııasynyń qabyldanýyna 75 jyl tolady. Sondyqtan biz kelesi jyly jyl boıy adam quqyqtaryn qorǵaýǵa baılanysty is-sharalardy ótkizemiz. Qazirgi ýaqytta qazaqstandyq qoǵamda ókil, ýákil, ombýdsmen syndy sózderdi óte jıi kezdestiremiz. Bul ınstıtýt joǵary tanymaldylyqqa ıe. Degenmen, keıbr aqparattyń joqtyǵynan, tolyq túsinik bolmaǵandyqtan ony bilmeı jatatyndar bar. ıAǵnı, Qazaqstan zańnamasyna saı ókilettigi aıqyndalǵan sýbektiler bar. Ókinishke oraı, kópshilik ony bile bermeıdi», - dedi Elvıra Ázimova elordada ótken Halyqaralyq adam quqyqtary kúnine arnalǵan is-shara barysynda.
Osy oraıda ol bıyl «Adam quqyqtary jónindegi ýákil týraly» Konstıtýtsııalyq zańǵa qol qoıylǵanyn atap ótti.
«18 qarashada kúshine engen osy zańǵa sáıkes elimiz óńirlerinde Adam quqyqtary jónindegi ýákildiktiń 17 ókili jumysyna kiristi. Sondyqtan ókilderimizge «Adam quqyqtary jónindegi ýákil týraly» Konstıtýtsııalyq zańǵa sáıkes jumysymyz ben mindettemelerimizdi túsindirgimiz keledi. Sonymen qatar barlyq ınstıtýttardyń yntymaqtastyǵy mańyzdy. Ǵylym jáne joǵary bilim mınıstrliginde stýdentterdiń quqyǵyn qorǵaý jónindegi ýákil qalyptastyryldy. Memlekettik organdarda ádep jónindegi ýákil jumys isteıdi»,- dedi ol.