2023 jylǵy Qysqy ýnıversıadadaǵa qatysatyn barlyq qurama belgili boldy

NUR-SULTAN. QazAqparat - Shaıbaly hokkeıden 2023 jylǵy Qysqy ýnıversıadada baq synaıtyn barlyq qurama anyqtaldy, dep habarlaıdy QazAqparat tilshisi.

Qysqy ýnıversıada 2023 jyly 12-22 qańtar aralyǵynda AQSh-tyń Leık-Plesı qalasynda ótedi. Onda erler arasyndaǵy shaıbaly hokkeı týrnırine 12 eldiń quramasy qatysady. Olardyń arasynda Qazaqstan quramasy da bar.

Sondaı-aq, shaıbaly hokkeı týrnırinde Kanada, Chehııa, Ulybrıtanııa, Vengrııa, Japonııa, Koreıa, Latvııa, Slovakııa, Shvetsııa, Ýkraına jáne AQSh quramalary bar. Quramalar eki topqa bólinedi. Árbir topta alǵashqy 2 oryn alǵandary pleı-off satysyna shyǵady.

Aıta ketsek, ázirge áıelder arasyndaǵy hokkeı týrnırine qatysatyn alty qurama belgili. Mundaı múmkindikke Kanada, Chehııa, Ulybrıtanııa, Japonııa, Slovakııa jáne AQSh qol jetkizgen.

Oıyn kestesi keıinirek belgili bolady.

Eske salsaq, shaıbaly hokkeıden Qazaqstan Prezıdenti kýbogynda «Barys» jeńimpaz atandy .