2023 jyldyń alǵashqy úsh aıynda qazaqstandyq qonaqúıler 43 mlrd teńge tabys tapqan
Baspasóz qyzmetiniń málimetterine qaraǵanda, bul ótken jyldyń sáıkes kezeńimen salystyrǵanda 1,6 ese kóp. Byltyr alǵashqy toqsanda elimizdegi ornalastyrý oryndary 26,3 mlrd teńgege qyzmet kórsetken.
Qańtar-naýryz aralyǵynda ornalastyrý oryndaryna 228 myń sheteldik qonaq toqtady.
Aıta ketý kerek, jyl basynda Qazaqstanda qonaqúılerdiń sany 4 myńǵa jetti. Olardyń jalpy syıymdylyǵy 203 myńnan astam oryndy quraıdy.
«Іshki jáne sheteldik týrıster sanynyń artýyna baılanysty qonaqúı qyzmetiniń kólemi de ulǵaıdy. Máselen, bıyl jaz bastalǵaly elimizge kelgen sheteldikterdiń jalpy sany 3 ese artty. Atap aıtqanda, Qytaıdan - 8,5 ese, Úndistannan - 4,7 ese, Ońtústik Koreıadan - 3,8 ese, Irannan - 3,8 ese, Germanııadan - 3 ese, AQSh-tan - 2,2 ese artyp otyr»,- dedi Mádenıet jáne sport mınıstrliginiń baspasóz hatshysy Móldir Ábdýalıeva.