2023 jyldan bastap temeki baǵasy ósedi

NUR-SULTAN. QazAqparat - 2023 jyldan bastap temeki ónimderine aktsız stavkalary kezeń-kezeńimen ósedi. Bul týraly QR QM Memlekettik kirister komıtetinde habarlady.

Stavkalar 2023, 2024 jáne 2025 jyldarǵa bekitilgen.

Atap aıtqanda, Salyq kodeksiniń 463-baby 4-tarmaǵynyń
1) tarmaqshasyndaǵy kesteniń 14, 15, 16, 18, 21 jáne 22-joldaryna ózgerister engizildi.

Fıltri bar sıgaretter:

- 2023 jyly – 14 100 teńge/1 000 dana;

- 2024 jyly – 15 900 teńge/1 000 dana;

- 2025 jyly - 15 900 teńge /1000 dana.

Sondaı-aq sıgarıllarǵa aktsız stavkalary sıgaretter stavkalaryna teńestirilgen.

Qyzdyrylatyn temekisi bar buıymdarǵa ólshem birligin kılogramnan danaǵa ózgerte otyryp, sıgaretterge aktsız stavkasynyń mólsherinen 70 paıyz deńgeıindegi aktsız stavkasy aıqyndaldy:

- 2023 jyly – 9 870 teńge /1000 dana;

- 2024 jyly – 11 130 teńge /1000 dana;

- 2025 jyly - 11 130 teńge /1000 dana.

Odan bólek, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasy Zańynyń 43-babyna ózgerister engizildi.

Elektrondyq sıgaretterde paıdalanýǵa arnalǵan kartrıdjderdegi, rezervýarlardaǵy jáne basqa da konteınerlerdegi nıkotıni bar suıyqtyqqa stavka artyp:

- 2023 jyly – 53 teńge/suıyqtyq mıllılıtrine;

- 2024 jyly – 55 teńge/suıyqtyq mıllılıtrine;

- 2025 jyly – 55 teńge/suıyqtyq mıllılıtrine quraıdy.

Aıta ketsek, Densaýlyq saqtaý mınıstrliginiń málimetinshe Qazaqstanda eresekterdiń 21,5%-y temeki shegedi.

Foto: epha.org