2023 jyldan bastap munaı óńdeýdiń jańa júıesi iske asyrylmaq

NUR-SULTAN. QazAqparat – Búgin Úkimet otyrysynda Premer-Mınıstr Álıhan Smaıylov janar-jaǵarmaı máselesine qatysty mınıstrlikterge tapsyrmalar berdi, dep habarlaıdy QazAqparat tilshisi.

«Energetıka mınıstrligi men Tsıfrlyq damý mınıstrligine 15-qyrkúıekten bastap janarmaı quıý stantsııalarynda jiberilgen janar-jaǵarmaıdy esepke alýdyń tsıfrlyq júıesin engizýdi tapsyramyn. Ekinshiden, Aýyl sharýashylyǵy mınıstrligi osy jyldyń sońyna deıin aýyl sharýashylyǵy óndirýshileri úshin jeńildikpen dızel otynyn bólý júıesin engizýdi qamtamasyz etsin», - dedi Á. Smaıylov.

Sonymen qatar Úkimet basshysy 2023 jyldan bastap Energetıka mınıstrligi munaıdy óńdeýdiń jańa júıesine kóshýdi iske asyrýy tıis ekenin aıtty. Bul júıe munaı ónimderin satý kezinde qajetsiz deldaldardyń qatysýyna jol bermeý kerek.

«Energetıka mınıstrligi jergilikti atqarýshy organdarmen birlesip, óńirlerde tutynýshylardy suıytylǵan gazben tolyq qamtamasyz etýi qajet», - dedi Premer-Mınıstr.

Foto: petrocouncil.kz