2023 jyl túrki áleminde Temirbek Júrgenov jyly bolyp jarııalandy
Taraptar bıyl birlese atqarylǵan jumystardyń qorytyndysyn talqylap, keler jylǵa arnalǵan is-sharalar josparyn qarastyrdy. Qazaqstan tarapynyń usynysymen 2023 jyl túrki áleminde Temirbek Júrgenov jyly bolyp jarııalandy.
«TÚRKSOI yqpalymen túrki áleminiń yntymaqtastyǵy sapaly jańa deńgeıge kóterilip keledi. Tarıhı-mádenı murany saqtaýǵa mańyzdy mán berilip otyr. 2023 jyly Halyqaralyq Túrki mádenıeti uıymynyń (TÚRKSOI) qurylǵanyna 30 jyl tolatynyn bilemiz. Mereıtoı jyly barlyq baǵyttar boıynsha jumysty odan ári jandandyryp, birigip jumys isteýge daıynbyz», - dedi Dáýren Abaev.
Aıta keteıik, 2023 jyly Sultan Beıbarystyń 800 jyldyǵyna oraı TÚRKSOI qoldaýymen fılm shyǵarý jáne ony uıymǵa múshe memleketter aýmaǵynda kórsetý josparlanǵan.
Sondaı-aq, TÚRKSOI deńgeıinde teatr jáne kıno aktrısasy Bıken Rımovanyń 100 jyldyǵy, jazýshy Maǵjan Jumabaevtyń 130 jyldyǵy, qazaq aqyny, ádebıettanýshy, jazýshy Muzafar Álimbaevtyń 100 jyldyǵy túrki tildes elderde keńinen atalyp ótedi.
Óz kezeginde Sultan Raev Uıym aıasyndaǵy belsendi jumysy úshin Qazaqstan tarapyna alǵys bildirdi jáne mereıtoılardy joǵary deńgeıde ótkizý TÚRKSOI memleketteri arasyndaǵy baılanystardy nyǵaıtýǵa zor úles qosatynyn aıtty.
Basty foto: turkystan.kz