2023 jyly eń kóp tabys tapqan akter belgili boldy

<p>&nbsp; ASTANA. KAZINFORM &ndash; Amerıkalyq akter Adam Sednler Gollıvýdtaǵy 2023 jylǵy jalaqy eń kóp tólenetin akterlerdiń tizimin bastady, úzdikter &laquo;úshtigine&raquo; Margo Robbı men Tom Krýz da endi, dep habarlaıdy <a href="https://tass.ru/obschestvo/20182937" target="_blank" rel="noopener">TASS</a> aqparat agenttigi.&nbsp;</p>

Tıisti reıtıngti Forbes jarııalady. 

Forbes-tiń baǵalaýynsha, Sendler 2023 jyly 73 mln dollar tabys tapqan. Onyń tabysynyń edáýir bóligi Netflix-pen yntymaqtastyqtan túsetini atap ótildi. 

«Reıtıngte ekinshi oryndy álemdik prokatta 1,4 mlrd dollardan astam tabys jınaǵan „Barbı“ (Barbie, 2023) fılminde oınaǵan Robbı ıelendi. Aktrısa 2023 jyly 59 mln dollar tabys tapty», — dep jazdy Forbes.

Úshinshi orynda turǵan Tom Krýzdyń tabysy byltyr 45 mln dollarǵa jetken. Akter óziniń negizgi tabysyn jańa fılmi «Mıssııa múmkin emes: ólimge ákeletin esep. Birinshi bólim» (Mission: Impossible — Dead Reckoning Part One, 2023) atty jańa fılminiń arqasynda qol jetkizgen.  

Tórtinshi oryndy Raıan Goslıng pen Mett Deımond ózara bólisti, olardyń 2023 jyly tapqan tabysy — $43 mln. 

Tabysy joǵary akterler «ondyǵyna» sondaı-aq Djennıfer Enıston ($42 mln), Leonardo DıKaprıo ($41 mln), Djeıson Steıtem ($41 mln), Ben Afflek ($38 mln) jáne Denzel Vashıngton ($24 mln) kirdi.