2023 jyly alaıaqtar turǵyndardy 97 mıllıard teńgege jýyq shyǵynǵa ushyratty

<p>Bıylǵy qańtar-qarasha aılarynda QR Sotqa deıingi tergep-tekserýdiń biryńǵaı tiziliminde &laquo;Alaıaqtyq&raquo; baby boıynsha 40,8 myń qylmystyq quqyq buzýshylyq tirkeldi, bul bir jyl burynǵy kórsetkishpen salystyrǵanda 1,6%-ǵa kóp. <a href="Kazinform" target="_blank" rel="noopener">Kazinform </a>bul týraly <a href="https://finprom.kz/ru/article/god-eshyo-ne-konchilsya-summa-usherba-materialnogo-usherba-prichinyonnogo-moshennikami-uzhe-dostigla-97-milliardov-tenge" target="_blank" rel="noopener">Finprom</a>-ǵa silteme jasap habarlaıdy.</p>

Mundaı quqyq buzýshylyqtardyń jartysyna jýyǵy ınternet-alaıaqtyqqa qatysty: 19,9 myń jaǵdaı, jyldyq ósim — 5,8%. Sotqa deıingi tergep-tekserýdiń biryńǵaı tiziliminde tólem kartalaryn paıdalana otyryp (267 jaǵdaı), kredıt berý salasynda (53 jaǵdaı), aqshalaı qarajatty qaryzǵa alý jolymen (41 jaǵdaı) jáne t.b. alaıaqtyq áreketter tirkelgen.

«Alaıaqtyq» baby boıynsha eń kóp qylmystyq quqyq buzýshylyqtar Almatyda tirkeldi: 8,5 myń jaǵdaı — bir jyl burynǵyǵa qaraǵanda 9,4% - ǵa az. Budan ári Astana (6,5 myń jaǵdaı, plıýs 8,9%) jáne Qaraǵandy oblysy (3,3 myń jaǵdaı, plıýs 24,9%).

Mundaı quqyq buzýshylyqtardyń eń azy Ulytaýda (397 jaǵdaı — ótken jylmen salystyrǵanda 2,1 ese kóp), Qyzylorda (615 jaǵdaı, mınýs 0,8%) jáne Jambyl (806 jaǵdaı, mınýs 2,3%) oblystarynda tirkeldi.

Jumyspen qamtý mártebesi boıynsha olardyń ishinde 5 myń adam jumyssyz, 207 adam jumysta, 170 adam memlekettik qyzmetshi, 70 adam jeke kásipker, 77 adam oqýshy, 19 adam áskerı qyzmetshi bolǵan.

2023 jyldyń on bir aıynyń qorytyndysy boıynsha alaıaqtyq quqyq buzýshylyq jolymen keltirilgen zalaldyń belgilengen mólsheri 96,5 mlrd teńgeni qurady, bul ótken jylmen salystyrǵanda qundyq mánde 4,2%-ǵa az. Onyń basym bóligi memleketke keltirilgen shyǵyn boldy: 54,2 mlrd teńge, ótken jyldyń sáıkes kezeńinde 7,7 mlrd teńge. Taǵy 3,7 mıllıard teńge zańdy tulǵalarǵa, 38,5 mıllıard teńge jeke tulǵalarǵa keltirilgen zalal.