Bir jylda 961 myń qazaqstandyq jumysqa ornalastyrylǵan – Eńbek mınıstrligi

<p>Ótken 2023 jyly memlekettiń barlyq áleýmettik mindettemeleri ýaqtyly jáne tolyq kólemde oryndaldy. QR Eńbek jáne halyqty áleýmettik qorǵaý mınıstri Svetlana Jaqypova óziniń jańajyldyq quttyqtaýynda osylaı dedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Mınıstr tartaqan málimetterge qaraǵana, búgingi kúni respýblıkalyq bıýdjet qarajaty esebinen bazalyq jáne yntymaqty zeınetaqyny qosa alǵanda, áleýmettik tólemderdiń 41 túri tólenedi. Ótken jyly járdemaqylar men zeınetaqylardy tóleýge 4,4 mln adamǵa, onyń ishinde 2,3 mln zeınetker men 2,1 mln memlekettik járdemaqy alýshyǵa 4,6 trln teńge jumsaldy.

Osy jyldyń 11 aıynda ómirlik qıyn jaǵdaıǵa tap bolǵan 595,7 myńnan astam qazaqstandyq 52,4 mlrd teńgeden astam somaǵa ataýly áleýmettik kómek túrinde memleketten qoldaý aldy. AÁK alýshylar arasynan 1 jastan 6 jasqa deıingi árbir balaǵa 1,5 AEK mólsherinde 6,7 mlrd teńge somasyna 186,1 myń balaǵa qosymsha tólem taǵaıyndaldy.

«Jumyspen qamtýǵa járdemdesý sharalarynyń keshenin iske asyrý jumyssyzdyq deńgeıin 4,7 %-ǵa deıin tómendetýge yqpal etti. Bıyl 961,9 myń qazaqstandyq jumysqa ornalastyryldy. Oqytý jáne kásiptik baǵdar berý túrinde halyqty jumyspen qamtýǵa járdemdesýdiń qosymsha sharalarymen shamamen 311,1 myń adam qamtyldy»,-dedi mınıstr.