2023-2024 jyldary 307 jolaýshylar vagony satyp alynady

<p>2023-2024 jyldary 307 jolaýshylar vagony satyp alynady. Bul jaıynda Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy <a href="https://kaz.inform.kz/search_results/?q=%D0%B2%D0%B0%D0%B3%D0%BE%D0%BD&amp;page=2" target="_blank" rel="noopener">Kazinform.</a></p>

Úkimet basshysynyń dereginshe, búginde elimizdiń jolaýshylar vagondary parki 2567 birlikti quraıdy. Olardyń ortasha paıdalaný merzimi - 18 jyl. Vagondardyń 76 paıyzy aýany baptaý júıesimen qamtamasyz etilgen.

«Jolaýshylar vagondaryn jańartý maqsatynda 2010 jyldan bastap búginge deıin 1 238 vagon satyp alyndy. Sonymen qatar, 2022 jyldyń jeltoqsanynda 2025-2030 jyldary aralyǵynda 537 Stadler jolaýshylar vagonyn satyp alýǵa kelisimshart jasaldy. Sondaı-aq, bıyl «ZIKSTO» AQ-men 150 jolaýshy vagonyn satyp alýǵa shart (osy jyldyń sońyna deıin 50 birlik, 2024 jyly qalǵan 100 vagon jetkiziledi) rásimdeldi. 2024 jyly qosymsha 157 vagon satyp alý josparlanǵan. Barlyq is-sharalardy eskere otyryp, 2030 jyly parktiń ortasha paıdalaný merzimi 18- den 13 jylǵa deıin tómendeıdi», -dedi Álıhan Smaıylov jaýabynda.