2022 jyly turmysy tómen otbasynyń 75 myń balasy kolledjde oqýǵa grant aldy

NUR-SULTAN. QazAqparat - 2022 jyly áleýmettik osal sanattaǵy 75 myń bala kolledjde oqýǵa grant aldy. Byltyrmen salystyrǵanda jeńildikpen oqýǵa túskenderdiń sany 25 myńǵa artty. Bul kvota sanattary tizbesin keńeıtýdiń arqasynda múmkin boldy. Oqýǵa túskenderdiń 1 101-i - erekshe bilim berý qajettilikteri bar stýdentter.

Bıyl jalpy sany 125 myń grant bólindi. Bul - rekordtyq kórsetkish, dep habarlaıdy QazAqparat QR Oqý-aǵartý mınıstrliginiń baspasóz qyzmetine silteme jasap.

«QR Oqý-aǵartý mınıstrligi Memleket basshysynyń tapsyrmasy boıynsha 2025 jylǵa deıin suranysqa ıe mamandyqtar boıynsha tegin tehnıkalyq jáne kásiptik bilim berýmen 100% qamtýdy josparlap otyr. Al bıyl tegin oqyǵysy keletinder úshin kvotalardyń tizimi keńeıtildi. Kópbalaly otbasylardyń balalary úshin 5% kvota, tolyq emes otbasy balalary úshin 1% (osy mártebege úsh jyldan kem bolmaýy kerek) erekshe bilim berý qajettiligi bar balalardy tárbıelep otyrǵan otbasy balalary úshin 1% kvota qosyldy.

Sonyń arqasynda jańa oqý jylynda kvota sanatyna 75 myń talapker tússe, onyń 1 101-i erekshe bilim berýdi qajet etetin balalar. Kolledjderde jaıly jaǵdaı jasaý úshin jumys istep jatyrmyz», - dedi QR Oqý-aǵartý mınıstrligi Tehnıkalyq jáne kásiptik bilim departamentiniń dırektory Nasymjan Ospanova.

«Bıyl qazaqstandyq kolledjderge barlyǵy 183 myń qazaqstandyq jas oqýǵa tústi. Oqýshylardyń eń kóp tańdaǵan salalary - qurylys, bilim berý, týrızm, qonaq úı bıznesi jáne t.b»,-delingen habarlamada.