2022 jyly Qazgıdromet týrıstik baǵyttar boıynsha aýa raıy boljamyn jarııalaıdy
Qazirgi ýaqytta týrıstik aımaqtardyń pýnktteri boıynsha boljam 8 oblysta júrgiziledi: Almaty, Aqmola, ShQO, Qaraǵandy, Pavlodar, Túrkistan jáne Mańǵystaý.
Kishi Almaty ótetin, Almaty oblysy boıynsha boljamdar asa suranysqa ıe. Elimizdiń soltústik bóliginde Býrabaı kýrorty boıynsha baǵyttar tanymal. Bul jyl boıy ótkiziletin bir-eki kúndik týrıstik saparlar. Jazda — jaıaý, qysta — jańa jyldyq jáne merekelik saparlar.
Týrıstik aımaqtar úshin aýa raıyn boljaýdyń qıyndyǵy — tanymal jerlerdiń geografııalyq ornalasýyna, ózindik erekshelikterine baılanysty qysqa merzimde boljamdardyń kúrt ózgerýinde bolyp otyr.
Máselen, eger taýlardyń eteginde meteorologııalyq stantsııa bultsyz aýa raıyn tirkese, onda taýly jerlerde jaýyn-shashyn bolýy múmkin. Sondyqtan bir baǵytta, birneshe meteostantsııalardyń málimetteri boıynsha boljamdar biriktiriledi. Osylaı, týrıster, gıdter men týroperatorlar týrıstik aımaqtarda ornalasqan jeke pýnktter boıynsha sınoptıkterdiń boljamdaryna nazar aýdara otyryp, baǵyttardy josparlaýy qajet.
Bul geografııalyq núkteler tiziminiń sońǵy nusqasy emes. Jerústi baqylaý jelisiniń ulǵaıýyna qaraı Qazgıdromet kezeń-kezeńimen basqa geografııalyq núktelerdi qosýdy, sondaı-aq qoryqtar ishindegi Avtomatty meteorologııalyq stantsııalardyń (AMS) sanyn ulǵaıtýdy josparlap otyr. Qazirgi tańda úsh AMS ornatylǵan: Sharyn shatqaly, Kólsaı kóli jáne Túrgen shatqaly.
Týrıstik marshrýttar pýnktteri boıynsha aýa raıy boljamyn jasaý kezinde, boljaýdyń sandyq ádisi paıdalanylady. Aýa raıyn boljaýdyń sandyq modeli — bul aǵymdaǵy dálelderge negizdelgen boljamdy quraıtyn kompıýterlik baǵdarlama.
«Modelder úshin bastapqy derekter retinde meteozondtardan, meteospýtnıkterden jáne jerústi meteostantsııalardan keletin aqparat paıdalanylady. Bul model, búkil jerdi qamtıtyn ǵalamdyq nemese planetanyń jeke bóligin qamtıtyn jergilikti bolýy múmkin»,-delingen «Qazgıdromet» RMK baspasóz qyzmetiniń habarlamasynda.