2022 jyly Qazaqstanda jańadan 24 elektrovoz jelige qosylady
«Qýatty óńirler – el damýynyń draıveri» ulttyq jobasynda Dostyq – Moıynty ýchaskesinde uzyndyǵy 833 shaqyrym bolatyn ekinshi joldardyń qurylysy kózdeledi. Ony iske asyrý kezeńi - 2021-2024 jyldar. Atalǵan joba Qazaqstannyń QHR – EO marshrýtynda temirjol tranzıttik tasymaldaryndaǵy basym rólin saqtap qalady, bul ýchaskeniń ótkizý qabiletin 5 esege arttyrýǵa jáne konteınerlik poıyz jyldamdyǵyn arttyrýǵa múmkindik beredi», - delingen A. Mamınniń jaýabynda.
Onyń aıtýynsha, bıyl menshikti qarajat esebinen Dostyq – 19-razezd ýchaskesinde uzyndyǵy 25 shaqyrym ekinshi joldardyń jáne 19-razezd ýchaskesinde úsh joldyń qurylysy bastaldy.
«Altynkól – Jetigen ýchaskesiniń jáne Almaty temirjol torabynyń júktemesin azaıtý úshin uzyndyǵy 73 shaqyrym Jetigen – Almaty aınalma temirjol jelisin salý josparlanýda (joba). Jobany iske asyrý Almaty torabynyń júktemesin 30 %-ǵa azaıtýǵa, sondaı-aq júkterdi jetkizý ýaqytyn 24 saǵatqa deıin qysqartýǵa múmkindik beredi. Jobany 2022-2023 jyldary iske asyrý kózdelgen», - dep jazdy Úkimet basshysy.
«Sonymen qatar, búgingi kúni lokomotıvterdiń júk parkin jańartý boıynsha jumystar júrgizilip jatyr. Bıyl sharttar boıynsha 15 teplovoz ben 12 elektrovoz alyndy, al 2022 jyly taǵy 24 elektrovoz jáne 28 teplovozdyń jetkizilýi kútilýde», - dedi Premer-Mınıstr.
Eske sala keteıik, senator Nurlan Qylyshbaev elimizdiń Premer-Mınıstri Asqar Mamınniń atyna joldaǵan depýtattyq saýalynda kásipkerlerdiń Qytaımen shekara arqyly taýar tasymaldaý kezinde kezdesetin máselelerin kóterdi.