2022 jyly Qazaqstan óziniń ishki naryǵyn ashyq tústi munaı ónimderimen tolyqtaı qamtamasyz etetin bolady - S. Myńbaev

ASTANA. QazAqparat - 2022 jyly Qazaqstan óziniń ishki naryǵyn ashyq tústi munaı ónimderimen tolyqtaı qamtamasyz etetin bolady. Bul týraly búgin OKQ brıfıngisinde «QazMunaıGaz» AQ basqarma tóraǵasy Saýat Myńbaev málim etti.

"Qazirgi ýaqytta Qazaqstan shamamen 1,6-1,7 mln. tonna ashyq tústi munaı ónimderin ımporttaıdy. Búgingi tańda elimizde 3 munaı óńdeý zaýyttary jańǵyrtylýda. Jańǵyrtý jumystarynan keıin Pavlodar munaı óndirý zaýytynyń qýaty 7 mln. tonnaǵa, Shymkent zaýyty 6 mln. tonnaǵa, Atyraý munaı óńdeý zaýytynda 5 mln. tonnaǵa ósedi. Zaýyttardy jańǵyrtý isi 2016 jyldyń ekinshi jartyjyldyǵynda aıaqtalady dep kútilýde. Al 2022 jyly Qazaqstan óziniń ishki naryǵyn ashyq tústi munaı ónimderimen tolyqtaı qamtamasyz etetin bolady", - dedi ol.

Onyń aıtýynsha, zaýyttardy jańǵyrtý - zaman talaby. Elimiz eýro-4, jáne eýro-5 talaptaryna kóshýi tıis, sonymen qatar búgingi jaǵdaıda 5-6 mln. tonnadan az munaı óńdeý ekonomıkalyq jaǵynan tıimsiz.