2022 jyly elordada ýaqytsha tirkelgen shetel azamattarynyń sany ósti

ASTANA. QazAqparat – Byltyr Astanada ýaqytsha tirkelgen shetel azamattarynyń sany ósti. Bul týraly elordadaǵy Polıtsııa departamenti Kóshi-qon qyzmeti basqarmasy basshysynyń orynbasary Anar Jomartova aıtty, dep habarlaıdy QazAqparat tilshisi.

«2022 jyldyń qorytyndysy boıynsha ýaqytsha tirkelgen shetel azamattarynyń sanynyń óskeni baıqaldy. 2021 jylmen salystyrǵanda 30 paıyz ósim boldy, ıaǵnı 42 762 sheteldik tirkeldi», - dedi A. Jomartova.

Onyń aıtýynsha, shetel azamattarynyń elge kelý aǵymynyń kúsheıýine baılanysty polıtsııa kóshi-qon rejımi aıasynda tıisti jumysty, sondaı-aq olardyń Qazaqstanda tirkelýine baqylaýdy kúsheıtý is-sharalaryn atqaryp jatyr. Osy oraıda «Mıgrant», «Ýchastok» zańsyz kóshi-qonǵa qarsy is-qımyl jedel-profılaktıkalyq is-sharalary júıeli túrde ótkizilip keledi.

Taratylǵan málimetke qaraǵanda, qazirgi kezde elordada turaqty turatyn shetel azamattarynyń sany 13 myń 668-ge jetken. Onyń 5 949-y etnıkalyq qazaq. Sonymen qatar, qalada 361 azamattyǵy joq adam turyp jatyr.