2022 jyly elimizde 700-ge jýyq jetim bala baspanaly boldy – mınıstrlik

ASTANA. QazAqparat – Bıyl respýblıka boıynsha 700-ge jýyq jetim bala páter aldy. Bul týraly Ortalyq kommýnıkatsııalar qyzmetinde ótken brıfıngide Oqý-aǵartý vıtse-mınıstri Ǵanı Beısembaev málimdedi, dep habarlaıdy QazAqparat tilshisi.

«Bıylǵy jyly respýblıka boıynsha 700-ge jýyq jetim bala páter aldy. Qazaq jetimin jylatpaǵan halyq. Osy oraıda elimizde sońǵy ýaqytta balalar úıleriniń sany azaıyp kele jatqanyn atap ótken jón. Eń basty qaǵıda - balanyń otbasynda ómir súrý jáne tárbıelený quqyǵyn qamtamasyz etý. Búgingi kúni elimizdegi 22 081 jetim jáne ata-anasynyń qamqorlyǵynsyz qalǵan balalardyń 3 790 balasy 84 uıymda tárbıe alyp jatsa, qalǵan 18 291-i otbasynda tárbıelenýde. Bul - óz otbasynda bala tárbıeleýge yqylas bildirgen ata-analar sanynyń ósýiniń nátıjesi. Qazirgi kezde mınıstrlik densaýlyq jaǵdaıyna qaramastan, barlyq balalardy qabyldaýǵa daıyn bolatyn qosymsha kásibı qabyldaýshy otbasylardy qurý boıynsha zańnamalyq deńgeıde jumys júrgizýde», - dedi Ǵanı Beısembaev.

Sonymen qatar, vıtse-mınıstr Balalar jylynda elimizde búldirshinderdi qoldaýǵa baǵyttalǵan qandaı sharalar uıymdastyrylǵanyna toqtaldy.