2022 jyly Almatyda eki myńǵa jýyq abonentti ǵalamtorǵa qosý josparlandy

ALMATY. QazAqparat - Almatyda talshyqty optıkalyq baılanys joldary arqyly ǵalamtorǵa 1 586 abonent qosyldy. Bul týraly Almaty ákimi Baqytjan Saǵyntaev Instagram paraqshasynda jazdy, dep habarlaıdy QazAqparat tilshisi.

Ákimniń aıtýynsha, ǵalamtor qoljetimdiligi - ózekti máseleniń biri.
«Meganet» kompanııasymen talshyqty optıkalyq baılanys joldary arqyly ǵalamtorǵa 1 586 abonent qosyldy. Kezekte – «Nurshashqan», «Tastybulaq», «Taýsamaly», «Aqjar», «Qalqaman-2», «Qaırat», «Shuǵyla», «Dostyq», «Aqbulaq», «Qaraǵaıly» shaǵynaýdandarynyń 304 abonenti tur. Sondaı-aq «Qazaqtelekom» jeke aýdandarda ǵalamtorǵa symsyz qol jetkizý úshin FWA jelisiniń qurylysyn júrgizýde. Jeli Alataý aýdanynyń «Alǵabas» shaǵynaýdanynda iske qosyldy. Kezekte Alataý aýdanynyń «Ójet», «Boraldaı», «Terekti», Naýryzbaıdyń «Taýsamaly», Túrksibtiń «Álmerek» pen «Nurshashqan» shaǵynaýdandary tur. Osy jyldyń sońyna deıin 2 myńǵa jýyq abonentti qamtý josparda bar», - dep jazdy B.Saǵyntaev.