2022 jylǵy «Ispanııa Výeltasynyń» tolyq marshrýty belgili boldy

NUR-SULTAN. QazAqparat – Uıymdastyrýshylar «Ispanııa Výeltasynyń» 2022 jylǵy tolyq marshrýtyn aıtty. Bas biliktilikte jeńiske jetý úshin qatysýshylarǵa alty taýly kezeńnen ótý kerek. Bul týraly QR Ulttyq olımpıada komıtetine silteme jasap QazAqparat habarlaıdy.

Alǵashqy úsh kezeń týraly aqparat qyrkúıekte belgili boldy.

Jarys Gollandııanyń Ýtreht jáne Soltústik Brabant óńirlerinde bastalady. Ýhreht birinshi kúni barlyq úsh Grand Týrdyń kezeńin qabyldaıtyn alǵashqy qala atanbaq.

Odan keıin Hertogenbosh jáne Breda qalalary almasady.

Demalys kúni jarysqa túsýshiler Ispanııaǵa oralyp, jarysty Baskter elinde jalǵastyrady. 2021 jyldan beri birinshi ret Baskter eliniń birden úsh provıntsııasy (Alava, Gıpýskoa jáne Bılbao) jarysqa qatyspaq.

Ekinshi demalys kúninen keıin velosıpedshiler Elcheden Alıkantege deıingi marshrýt boıynsha ýaqytqa 30 kılometr júredi.

Andalýsııadaǵy jarys úsh taýly kezeńnen turady. Uıymdastyrýshylardyń aıtýynsha, Andalýsııanyń segiz provıntsııasynyń barlyǵy birinshi ret jarysqa qatyspaq.

Olar Sanlýkar-de-Barrameda men Tomaresten bastalatyn 188 kılometrlik jazyq kezeńdi erekshe atap ótti. Bul kezeń jarystyń sońǵy aptasynda ashylmaq.

Talavera-de-la-Reınadaǵy taýly kezeńde 19-kezeńdegi bıik máre usynylady.

Al jeńimpaz Moralzarsaldan Pýerto-de Navaserradaǵa deıingi taýly kezeń aıaqtalǵannan keıin kelesi kúni belgili bolady.

Jalpy esep boıynsha jeńimpaz Madrıdtegi dástúrli sheshýshi kezeńnen keıin anyqtalady.

Jarys ýaqyt boıynsha eki synaqtan, jeti taýly kezeńnen, tórt orta taýly, alty jazyq kezeńnen jáne bıik taýly máresi bar eki jazyq kezeńnen turady.

Sonymen qatar uıymdastyrýshylar jarystyń áıelderge arnalǵan nusqasy – CERATIZIT Challenge 2021 jyly keńeıip, endi bes kezeńnen turatynyn rastady.