2022 jyldyń І-jartyjyldyǵynda 9 mln adam revaktsınalaýdan ótýi qajet – Asqar Mamın
«Qazaqstanda jalpy epıdemıologııalyq jaǵdaı turaqty. Infektsııalyq aýrýhanalar men reanımatsııadaǵy oryndardyń 17 paıyzy tolyq. Koronavırýs ınfektsııasymen aýrýhanalarǵa jatqyzý jáne aýyr jaǵdaılar sany aıtarlyqtaı azaıdy. Óńirlerdiń kóbi «jasyl» aımaqta. «Sary» aımaqta eki óńir: Nur-Sultan men Soltústik Qazaqstan oblysy. Álemde naýqastanýdyń kóbeıýin eskersek, sanıtarlyq-epıdemıologııalyq talaptardy saqtaýdy jalǵastyrý qajet. Ǵımarattarda, qoǵamdyq kólikte betperde kııý jáne adamdar kóp jınalatyn jerlerde áleýmettik araqashyqty saqtaý qatań túrde mindetteledi», - dedi Asqar Mamın búgin Úkimet otyrysynda.
Onyń dereginshe, qazirgi ýaqytta 9 mln-nan astam adam vaktsınanyń birinshi komponentin aldy. Bul 18 jastan asqan halyqtyń 80 paıyzyna jýyǵy. Shamamen 8,5 mln adam ekinshi komponent saldyrdy. Bul - 75 paıyz.
«Jappaı revaktsınatsııalaý boıynsha jumysty kúsheıtý kerek. Kelesi jyldyń birinshi jartyjyldyǵynda shamamen 9 mln adam revaktsınalaýdan ótýi qajet. Aqparat, Densaýlyq saqtaý mınıstrlikteri jáne ákimdikter halyq arasynda revaktsınatsııalaý qajettiligi týraly aqparattyq túsindirý jumysyn belsendi júrgizýi tıis», - degen Úkimet basshysy bul tapsyrmalardy baqylaýdy orynbasary Eraly Toǵjanovqa júktedi.