2022 jyldyń 1 qyrkúıeginen keıin ákelingen kólikter zańdastyrylmaıdy - Ákimshilik polıtsııa

ASTANA. QazAqparat – Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev 2022 jyldyń 1 qyrkúıeginen keıin ákelingen kólikterdi zańdastyrý máselesi qarastyrylmaıtyny aıtty, dep habarlaıdy QazAqparat tilshisi.

«2022 jyldyń 1 qyrkúıeginen keıin ákelingen kólikterge qatysty aıtsaq, olardy zańdastyrý máselesi qarastyrylmaıtynyn aıtaıyn. Azamattarǵa zańdastyrý birjolǵy sıpatta bolatyny eskertildi. Budan bylaı el aýmaǵynda sheteldik avtokólikterdi zańsyz ákelý men paıdalanýdyń joldaryn boldyrmaý úshin sharalar qabyldanady. Máselen, aǵymdaǵy jyldyń 12 qańtarynan bastap zańnamalyq ózgeristerge sáıkes Qazaqstan azamattary sheteldik avtokólikterine avtosaqtandyrý shartyn jasaı almaıdy», - dedi komıtet tóraǵasy.

Aıtýynsha, Ákimshilik quqyq buzý týraly kodeks boıynsha mindetti saqtandyrýsyz kólik júrgingender 10 aılyq eseptik kórsetkish kóleminde aıyppul arqalaıdy.

«Sondaı-aq, atalǵan jaǵdaılarda polıtsııa

qyzmetkerleri avtokólikterdi ustap, olardy arnaıy avtoturaqtarǵa jetkizýge quqyly. Qazirgi ýaqytta ishki ister mınıstrligi halyq arasynda tıisti túsindirý jumystaryn júrgizýde», - dedi Qaısar Sultanbaev.