2022 jyldyń 1 qyrkúıeginen keıin ákelingen kólikter zańdastyrýǵa jatpaıdy

ASTANA. QazAqparat – QR ІІM Ákimshilik polıtsııa komıtetiniń tóraǵasy Qaısar Sultanbaev 2022 jyldyń 1 qyrkúıeginen keıin jetkizilgen avtokólikter qalaı tirkeletinin aıtyp berdi, dep habarlaıdy QazAqparat.

«Taldaý jumystary júrgizilip, 2022 jyldyń 1 qyrkúıeginen keıin ákelingen shamamen 124 myń avtokólik anyqtaldy. Qazirgi kezde Qazaqstannan tys elderden ákelingen 95 myń kólik zań talabyna saı kedendik rásimdeýden ótip, ýtıl alymy men bastapqy tirkeý alymyn tólep, tirkeýge qoıyldy. Al keı azamattar zańǵa baǵynbaı, alymdardy tólemeı, osy avtokólikti zańdastyrý sheńberinde tirkep berýdi talap etip otyr», - dedi Q. Sultanbaev Ortalyq kommýnıkatsııalar qyzmetinde ótken baspasóz máslıhatynda.

Aıta keteıik, 2022 jyldyń 1 qyrkúıegine deıin elge zańsyz ákelingen kólik quraldaryn zańdastyrý 1 shildege deıin júrgizildi. Búgingi tańda barlyǵy 220 myńnan astam avtokólik zańdastyryldy.

Onyń ishinde 17 myń avtokonstrýktor tirkelse, 14 myńnan astam avtokólik ýaqytsha tirkeýge alynǵan.