2022 jyly shetelden ákelingen 677 aýyr júk kóligi zańsyz tirkelgen

<p>ALMATY. KAZINFORM &ndash; 2022 jyldyń tekserý qorytyndysy boıynsha 5,1 mlrd. teńge somasyna kólik quralyn bastapqy tirkegeni úshin alymdy tólemeı shetelden ákelingen aýyr júk kólikterin tirkeýdiń 677 faktisin anyqtaldy.&nbsp;</p>

«Memlekettik kirister organdary Almaty oblysynyń Prokýratýrasymen birlesip, Almaty oblysy Ákimshilik polıtsııa basqarmasynyń 2022 jyldy tekserý qorytyndysy boıynsha 5,1 mlrd. teńge somasyna kólik quralyn bastapqy tirkegeni úshin alym jáne 0,7 mln. teńge somasyna memlekettik baj tólemeı shetelden ákelingen aýyr júk kólikterin tirkeýdiń 677 faktisin anyqtady. Almaty oblysy boıynsha EQD 3,1 mlrd. teńge somasyndaǵy 413 salyq tóleýshige qatysty qylmystyq is qozǵady», - dep habarlady Almaty oblysy boıynsha Memlekettik kirister departamenti. 

Kólik quralyn tirkegeni úshin alym bir ret tólenedi. 

Úshinshi elderden ákelinetin avtokólik quraldary, atap aıtqanda, shyǵarylǵan jyly 7 jyldan asatyn ershikti tartqyshtar, shyǵarylǵan jyly 5 jyldan asatyn avtobýstar men júk avtomobılderi bastapqy esepke qoıý kezinde alym tólemegen, onyń mólsheri 2 500 AEK nemese 7,6 mln. teńgeni quraıdy. 

Qazirgi ýaqytta ÁPB boryshkerlerge habarlama jiberý boıynsha is-sharalar júrgizilip jatyr.