2021 jyly jalpy ishki ónimniń ósýi 2,8 paıyz deńgeıinde boljandy - mınıstr

NUR-SULTAN. QazAqparat – Búgin Parlament Májilisiniń jalpy otyrysynda Ulttyq ekonomıka mınıstri eldiń 2021-2025 jyldarǵa arnalǵan áleýmettik-ekonomıkalyq damý boljamy jaıynda baıandady, dep habarlaıdy QazAqparat tilshisi.

Boljam kelesi faktorlardy eskere otyryp jasalǵan:

Birinshiden, 2019 jylǵy jalpy ishki ónim boıynsha eseptik statıstıkalyq derekter jáne bıylǵy qańtar-shildedegi ekonomıkanyń damý qorytyndylary;

Ekinshiden, álemdik ekonomıkanyń ósýi boıynsha halyqaralyq qarjy uıymdarynyń jańartylǵan boljamdary. Koronavırýs pandemııasy aıasynda 2020 jyly álemdik ekonomıka 5 paıyzǵa tómendep, 2021 jyly 4,9 paıyzǵa deıin ósedi dep kútilýde;

Úshinshiden, álemdik taýar naryqtaryndaǵy úrdister. Halyqaralyq qarjy uıymdarynyń munaı baǵasy boıynsha konsensýs baǵalaýy - 2021 jyly bir barreline 45 jáne 2022 jyly 55 dollar.

«Konservatıvti tásildi eskere otyryp, bıýdjettik josparlaý úshin negiz retinde bazalyq stsenarıı paıdalanyldy. Bazalyq stsenarııde jalpy ishki ónimniń ortasha jyldyq ósýi 4 paıyzdy quraıdy. Bazalyq stsenarııde jalpy ishki ónimniń naqty ósýi 2021 jyly 2,8 paıyz deńgeıinde boljanyp otyr. 2025 jyly ol 4,6 paıyzǵa jetedi. Nomınaldy jalpy ishki ónim 2021 jyly 76,7 trln teńgeni, al 2025 jyly – 104,8 trln teńgeni quraıdy», - dedi R. Dálenov.