2021 jyly shaǵyn jáne orta bıznesti kredıtteý 18,6%-dan asty
«Sońǵy eki jylda álemdegi, bizdiń elimizdegi jáne qarjy sektoryndaǵy jaǵdaı aıtarlyqtaı ózgerdi. Álem koronavırýs pandemııasynan týyndaǵan buryn-sońdy bolmaǵan daǵdarysqa ushyrady. 2020 jylǵy daǵdarys bizdiń elimiz úshin de barynsha mańyzdy syn-qater boldy. Ekonomıka men qarjy júıesine kúızelisterdiń áserin jumsartý úshin retteýshiniń birinshi kezektegi mindeti – qarjy naryǵynyń turaqtylyǵyn qamtamasyz etý, kapıtal men bank ótimdiligin, saqtandyrý uıymdarynyń jáne qarjy naryǵyndaǵy basqa qatysýshylardyń turaqtylyǵyn qoldaý boldy», - dedi M. Ábilqasymova Qazaqstan qarjygerleriniń IX Kongresinde.
Osyǵan oraı 2020 jylǵy naýryzdan bastap qarjy uıymdarynyń kapıtalyna jáne ótimdiligine qoıylatyn talaptardy báseńdetýge baǵyttalǵan prýdentsııalyq retteýdiń ýaqytsha sharalary engizildi.
«Ekonomıkalyq belsendiliktiń tómendeýi jaǵdaıynda bıznes sýbektileri úshin kredıtterdiń qoljetimdiligin qamtamasyz etý mańyzdy boldy. Ulttyq bank Bıznesti jeńildikpen kredıtteý baǵdarlamasyn iske qosty, sondaı-aq qaryzdarǵa kepildik berý jáne sýbsıdııalaý boıynsha BJK-2025 quraldary keńeıtildi», - dep atap ótti spıker.
Memleket basshysynyń tapsyrmasymen ekonomıkanyń zardap shekken sektorlarynda kásipkerlerge qoldaý kórsetý úshin barlyq ShOB sýbektilerine 6%-ǵa deıin mólsherlemelerdi sýbsıdııalaý qamtamasyz etildi, ol bıylǵy 31 tamyzǵa deıin uzartyldy. Sýbsıdııalardy 740 mlrd teńgege 4 839 kompanııa aldy.
«Bankter daǵdarysqa qarsy sharalardy qoldady jáne 2020 jyl boıy jáne 2021 jyldyń birinshi jartysynda zardap shekken salalarda ShOB úshin kredıtterdi keıinge qaldyryp, qaıta qurylymdady. Nátıjesinde 2019 jylǵy 13% bolǵan teris mánmen salystyrǵanda 2020 jyldy ShOB kredıtteriniń 7,2%-ǵa ósýimen aıaqtadyq. 2021 jylǵy sáýirden bastalǵan ekonomıkalyq ósýdi qalpyna keltirý aıasynda bıylǵy 9 aıda ShOB kredıtteriniń ósýi 18,6%-dan, al ekonomıkaǵa kredıtterdiń jalpy ósýi 16%-dan asty», - dedi QNRDA tóraǵasy.