2021 jyly respýblıkalyq bıýdjet tapshylyǵy qalaı qarjylandyrylady

NUR-SULTAN. QazAqparat – QR Qarjy mınıstrliginiń alqa májilisinde vedomstvo basshysy Erulan Jamaýbaev 2021 jyly respýblıkalyq bıýdjet tapshylyǵy qandaı jolmen qarjylandyrylatynyn aıtty, dep habarlaıdy QazAqparat tilshisi.

«Bıyl JІÓ-ge shaqqanda respýblıkalyq bıýdjettiń tapshylyǵy 3,4 paıyzdy qurady. Ony qarjylandyrý memlekettik qundy qaǵazdar shyǵarý jolymen ishki qor naryǵy qarajaty esebinen josparlanyp otyr», - mınıstr.

Osy oraıda ol naryqtyń shekteýli resýrstaryn eskere otyryp, syrttan qaryz tartý múmkindigin aıtty.

«Sonymen qatar «Astana» Halyqaralyq qarjy ortalyǵy (AHQO) bırjasynda memlekettik baǵaly qaǵazdar shyǵarý boıynsha orta merzimdegi baǵdarlama ázirlenedi. Bul óz kezeginde ishki naryqqa halyqaralyq ınvestorlardy tartýǵa múmkindik beredi jáne AHQO bırjasyn ary qaraı damytýdy qoldaıdy», - dedi vedomstvo basshysy.

Onyń aıtýynsha, qolaıly talaptarmen bıýdjet tapshylyǵyn qarjylandyrý ýaqtyly qamtamasyz etiledi.

«Memlekettik qaryzdy qaýipsiz deńgeıde ustaý bizdiń strategııanyń basymdyqty baǵyttarynyń biri»,- dedi E. Jamaýbaev.