2021 jyly resmı jumys istegen qazaqstandyqtardyń jartysy 110 myń teńgeden tómen tabys tapqan

ASTANA. QazAqparat – 2021 jyly mindetti zeınetaqy jarnalarynyń mólsherin baǵalaý kezinde resmı jumys isteıtin azamattardyń jartysyna jýyǵy 110 myń teńgeden tómen tabys tapqan. Mundaı derekter «Ashyq» NQA portalynda jarııalaǵan «Eńbek naryǵyn damytýdyń 2028 jylǵa deıingi keshendi josparyn bekitý týraly» Úkimet qaýlysynda keltirilgen, dep habarlaıdy QazAqparat tilshisi.

«2021 jyly mindetti zeınetaqy jarnalarynyń mólsherin baǵalaý kezinde resmı jumys isteıtin azamattardyń jartysyna jýyǵy 110 myń teńgeden tómen tabys tapqan. ıAǵnı, olar «jumys isteıtin kedeıler» bolyp sanalady. Tolyq jumyspen qamtylǵanyna qaramastan, olardyń bul jaǵdaıdan shyǵýǵa múmkindigi joq. Bul sonymen qatar kóleńkeli jumyspen qamtý áli de jumysshylardy jaldaýdyń tańdaýly tásili retinde qalyp otyr», - delingen keshendi josparda.

Eńbek jáne halyqty áleýmettik qorǵaý mınıstrliginiń túsindirmesine saı, mundaı azamattardyń tabysy kúndelikti shyǵynynan artylmaıdy.

«Mundaı azamattardyń alǵan tabystary negizgi qajettilikterdi qanaǵattandyrýǵa jumsalady. Olardyń jınaq aqshasyn qamtamasyz etýge jáne ómir súrý jaǵdaılaryn jaqsartýǵa múmkindigi joq. Buǵan qosa, tolyq jumyspen qamtylǵandyqtan, olardyń bilim alýǵa, daǵdylaryn jetildirýge jáne kem degende ortasha jalaqy alatyn jumysqa qosymsha ornalasýǵa múmkindigi bolmady», - dep jazylǵan mınıstrliktiń taldaý qujatynda.

Qosa ketsek, joǵaryda atalǵan máselelerdi sheshý úshin mınıstrik Eńbek naryǵyn damytýdyń 5 jyldyq josparyn bekitýdi usynyp otyr.