2021 jyly qazaqstandyq kórermenderdi qandaı jańa telejobalar qýantty
El tarıhynda alǵash ret 2021 jyly Mınıstrliktiń tapsyrysy boıynsha álemde tanymal balalar arnalarynyń mýltıplıkatsııasyn qazaq tiline aýdarý, mýltıplıkatsııa keıipkerlerin qazaq tilinde sóıletý boıynsha aýqymdy jobany iske asyrý jumysy bastaldy. Osylaısha, balalardyń joǵary suranysyna ıe TiJi jáne Nickelodeon telearnalarynyń kontentin qazaq tiline aýdarý boıynsha arnaıy shart jasaldy.
Prezıdenttiń tapsyrmasy boıynsha, 2021 jyly otandyq teleserıaldar, derekti tarıhı fılmder óndirisiniń belsendi dáýiriniń birinshi kezeńi bastalyp, iske asyryldy. Bıylǵy jyldyń ózinde tarıhı baǵyttaǵy serıaldar óndirý úlesi 30%-ǵa ulǵaıdy.
Elimizdiń iri telearnalarynyń efırinde kórermenderdiń kóptegen oń pikirlerine ıe bolyp, kórermen kóńilinen shyqqan Ahmet Baıtursynov, Qanysh Sátbaev, Jáńgir han, Roza Baǵlanova jáne basqalary týraly serıaldar kórsetildi.
«El arna» mádenı-bilim berý arnasynda qaıta formattaý jumystary bastalyp, álemniń 100-den astam elinde habar taratatyn Qazaq TV arnasynyń rebrendıngi júrgizilýde.
Alǵash ret erekshe qajettilikteri bar balalarǵa arnalǵan anımatsııalyq mektep iske qosylyp, olar úshin Qazaqstan, sondaı-aq Japonııa men Ońtústik Koreıa sheberleri kásibı oqytý kýrsyn ótkizdi.
Táýelsizdiktiń 30 jyldyǵy aıasynda medıa salasyndaǵy «Tumar» jáne «Úrker» ulttyq syılyqtary, sondaı-aq «Astana Media Week» halyqaralyq medıa-aptalyǵy ótti.
Biraq mınıstrlik munymen toqtap qalmaıdy jáne kelesi jyldyń basynan qazaqstandyqtardy jańa jaǵymdy tosynsyılar kútip tur.