2021 jyly qaǵaz anyqtamalardy tolyǵymen alyp tastaýymyz kerek - Asqar Mamın
Tsıfrlyq damý, ınnovatsııalar jáne aeroǵarysh ónerkásibi mınıstri B. Mýsın, eńbek jáne halyqty áleýmettik qorǵaý mınıstri B. Nurymbetov, Nur-Sultan qalasynyń ákimi A. Kólginov, Atyraý oblysynyń ákimi M. Dosmuhambetov, Almaty oblysynyń ákimi A. Batalov baıandama jasady. Qazirgi epıdemıologııalyq ahýal jaǵdaıynda TsDIAÓM bıznes protsesterdi ońtaılandyrý jáne avtomattandyrý boıynsha jumys júrgizdi, HQKO jumysynyń formaty ózgertildi, artyq qujattar talaptary alynyp tastaldy. Tıimdi sharalardyń biri Blockchain tehnologııasyn engizý boldy, bul memlekettik qyzmetterdi kórsetý ýaqytyn edáýir qysqartady jáne derekterdi úshinshi tulǵalarǵa berý múmkindigin boldyrmaıdy. QR Memlekettik qyzmetter tiziliminde 698 memlekettik qyzmet túri qarastyrylǵan, olardyń 85,5%-y onlaın-rejımde kórsetiledi. Osy jyldyń sońyna deıin bul kórsetkish 90%-ǵa deıin jetkiziledi. Bıyl eGov paıdalanýshyny bıometrııalyq sáıkestendirý jolymen bir qadamda jeńildetilgen tirkeý mehanızmin engizedi. Osylaısha, eGov-ta uıaly telefondy betke jaqyndatý arqyly tirkelýge bolady, al bıometrııalyq sáıkestendirý qosymsha suraqtar qoıý arqyly paıdalanýshyny ózi anyqtap, tirkeıdi. Azamattardyń avtomobılderdi tirkeý úshin mamandandyrylǵan HQKO-larǵa barýynyń balamasy banktik qosymshalar arqyly satyp alý-satýdy resimdeý bolady, bul qyzmet kórsetý ýaqytyn 10 mınýtqa deıin qysqartady (qujattar úıge jetkiziledi). Bıylǵy jyldyń sońyna deıin elektrondyq formattaǵy áleýmettik-eńbek salasyndaǵy memlekettik qyzmetter kórsetkishi 90%-ǵa deıin jetkiziledi. Qoǵamdyq monıtorıng qorytyndysy boıynsha elektrondyq memlekettik qyzmetterdi engizý boıynsha aldaǵy óńirler – Aqmola, Qyzylorda, Qaraǵandy, Qostanaı jáne Batys Qazaqstan oblystary. Bul jumys Almaty oblysy men Shymkentte tıisti deńgeıde júrgizilip jatqan joq. Úkimet basshysy jergilikti atqarýshy organdarǵa memlekettik qyzmetter kórsetý sapasyna qanaǵattaný deńgeıin keminde 80%-ǵa jetkizýdi, sondaı-aq TKSh qyzmetteri boıynsha astanalyq IQala jobasy úlgisimen tıimdi sheshimder engizýdi tapsyrdy. Tsıfrlyq damý mınıstrligine múddeli memlekettik organdarmen birlesip, barlyq áleýmettik mańyzdy memlekettik qyzmetterdi eGov mobile-ǵa aýystyrý josparyn bekitý tapsyryldy. «Halyqqa jumystyń naqty nátıjeleri qajet. 2021 jyly «qaǵaz« anyqtamalardyń qajettiligin tolyǵymen joıyp, «Azamattarǵa arnalǵan úkimet« korporatsııasynan qyzmetterdi jetkizýdi qamtamasyz etip, barlyq onlaın qyzmetter men servısterdiń qoljetimdiligin 100%-ǵa deıin arttyrýymyz kerek», — dedi A. Mamın. Densaýlyq saqtaý mınıstrligine azamattarǵa qajetti elektrondyq medıtsınalyq málimetterdi berýdi qamtamasyz etý, Eńbek mınıstrligine memlekettik organdarmen birlesip, zeınetaqy men járdemaqylardy berýdi taǵaıyndaý protsesterin tsıfrlandyrý úshin qajetti derekterdi tolyq tsıfrlandyrý men jańartýdy qamtamasyz etý tapsyryldy. Premer-Mınıstr ortalyq jáne jergilikti atqarýshy organdarǵa barlyq aqparattyq júıelerdiń tıimdi ıntegratsııalanýyn jáne úzdiksiz jumys isteýin qamtamasyz etýdi, olardyń jumys sapasyn jáne halyq úshin paıdalanýǵa jeńildigin arttyrý boıynsha sharalar qabyldaýdy tapsyrdy. Úkimet basshysy memlekettik qyzmetterdi tsıfrlandyrý salasyndaǵy jańalyqtar boıynsha túsindirý jumystaryn júrgizý qajettigine erekshe nazar aýdardy.