2021 jyly eńbek ınspektorlary 23,3 myńnan astam jumyskerdiń quqyǵyn qorǵady
09:42, 14 Qańtar 2022
NUR-SULTAN. QazAqparat - 2021 jyldyń qorytyndysy boıynsha Memlekettik eńbek ınspektorlary respýblıkanyń 1031 kásipornynda 25,4 myń jumyskerdiń aldynda 5,8 mlrd teńgeden astam somaǵa jalaqy boıynsha bereshekti anyqtady, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.
Osy kásiporyndardyń basshylaryna oryndalýy mindetti 1198 nusqama berilip, 147,9 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 23,3 myńnan astam jumyskerdiń quqyqtary qorǵaldy. Olarǵa 5,6 mlrd teńge tólendi.