2021 jyly eldiń jalpy ishki ónimi 4 paıyzǵa ósti -Álıhan Smaıylov

NUR-SULTAN. QazAqparat – QR Premer-Mınıstri Álıhan Smaıylov Úkimettiń keńeıtilgen otyrsynda ótken jyldyń áleýmettik-ekonomıkalyq kórsetkishteri týraly málimet berdi, dep habarlaıdy QazAqparat tilshisi.

«2021 jylǵy áleýmettik-ekonomıkalyq damý qorytyndysy boıynsha jalpy ishki ónimniń ósimi 4 protsentti qurady. Turaqty ekonomıkalyq ósimniń negizgi faktory naqty sektor boldy.

Ónerkásip óniminiń kólemi 8,38 protsentke jetti. Taý-ken ónerkásibin esepke almaǵanda negizgi ekonomıkaǵa salǵan ınvestıtsııalar 9,5 protsent ulǵaıdy. Tikeleı sheteldik ınvestıtsııalar ótken jyldyń 9 aıynda shamamen 50 protsent ósip, 18,8 mlrd dollardy qurady», - dedi Úkimet basshysy.

Onyń aıtýynsha, 11 aıdyń qorytyndysy boıynsha syrtqy saýda men ınvestıtsııa tartý salasynda biraz ósim baıqalǵan.

«Sondaı-aq ótken jyldyń 11 aıynyń qorytyndysy boıynsha, syrtqy saýda aınalymy 15,4 protsent ósip, 91,4 mlrd dollarǵa jetti. Al taýarlar eksporty 25 protsentke artyp, 54,5 mlrd dollardy qurasa, ımport kólemi 4,2 protsent ósip, shamamen 37 mlrd dollar boldy», -dedi Álıhan Smaıylov.