2021 jyly bıýdjettik josparlaý qaǵazsyz júrgiziledi
«Bıýdjettik ınvestıtsııalyq jobalardy «Memsaraptama» RMK-men ıntegratsııalaý josparlanyp otyr. Jobalaý-smetalyq qujatnama – ol kóp tomdyq kúrdeli qarjylyq-tehnıkalyq qujat jáne oǵan qarjy bólek bólinedi. Keıinnen bekitilgen soń, bıýdjettik ótinimdi kelisý kezinde barlyǵy skanerden ótkizilip, ótinimge qosa beriledi. Osy oraıda qajetti aqparatty tez tabý qıynǵa túsedi. Bizdiń josparymyzda bul qujatty tolyqtaı qurylymdaý eskerilgen, ıaǵnı jobalaý-smetalyq qujatnamanyń elektrondy tólqujatyn jasaý qarastyrylǵan. Bul óz kezeginde ınvestıtsııalyq jobalardy kelisý men josparlaýdy, jobalyq qujatnamany qarastyrýdy barynsha yńǵaıly etýge jol ashady», - dedi Eńsebaev.
Onyń sózine qaraǵanda, buryndary jobalaý-smetalyq qujatnamany elektrondy formatqa aýystyrý qyzmetimen «Memsaraptama» RMK aınalysqan. Keıinnen bul jumystar básekelestik ortaǵa berilip, 25 myńǵa tarta jobalaý-smetalyq qujatnama eshbir aqparattyq júıede tirkelmegen.
Sondyqtan Qarjy mınıstrligi jeke kompanııalarǵa ózderiniń qujattaryn biryńǵaı aqparattyq júıede tirkeýdi mindettemek. Óıtkeni bul júıe bıýdjettik josparlaý protsesimen ózara baılanystyrylǵan.
Munymen qosa, vıtse-mınıstr bıýdjettik ótinimderdi Qarjy mınıstrliginiń aqparattyq júıesinde tirkeýdi avtomattandyrý josparlanyp otyrǵandyǵyn jetkizdi. Sondaı-aq 2021 jyly bıýdjettik josparlaýdy tolyqtaı qaǵazsyz júrgizý eskerilgen.