2021 jyly bastalatyn jalpyǵa birdeı deklaratsııalaý qalaı júzege asyrylady
Aıta ketetin másele – 2020 jyldyń 10 jeltoqsanynda Prezıdent «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) ózgerister men tolyqtyrýlar engizý týraly» QR Zańyna qol qoıdy. Atalmysh qujat normalaryna sáıkes, 2021 jyldyń 1 qańtarynan bastap elimizde jalpyǵa birdeı deklaratsııalaý júıesi engiziledi.
Memlekettik kirister komıtetiniń baspasóz qyzmetiniń málimetterine qaraǵanda, Salyq Kodeksinde jalpyǵa birdeı deklaratsııalaýdy tórt kezeńmen júzege asyrý qarastyrylǵan.
2021 jyldyń 1 qańtarynan bastalatyn birinshi kezeńde Aktıvter men mindetter jónindegi deklaratsııany jaýapty memlekettik laýazymdaǵy tulǵalarmen olardyń jubaılary; memlekettik fýnktsııalardy oryndaýǵa ýákilettik berilgen jáne olarǵa teńestirilgen tulǵalar men olardyń jubaılary, sondaı-aq «Qazaqstan Respýblıkasyndaǵy saılaý týraly» QR Konstıtýtsııalyq Zańyna jáne «Sybaılas jemqorlyqqa qarsy is-qımyl týraly», «Qazaqstan Respýblıkasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblıkasynyń zańdaryna sáıkes deklaratsııa usyný jónindegi mindet júktelgen tulǵalar tapsyrady.
Bul deklaratsııa, deklaratsııalaý júıesine engizý mezetinde sol ýaqytqa aktıvterdiń kólemin belgileý jáne odan ári múliktiń ósimin monıtorıngileý úshin bir ret usynylady. Joǵaryda atalǵan azamattar aktıvter men mindetter týraly derekterdi 2020 jyldyń 31 jeltoqsanyndaǵy jaǵdaı boıynsha kórsetýleri tıis.
Atap aıtqanda, ol boıynsha quqyq jáne (nemese) kelisimshart shet memleket zańnamasyna sáıkes, sol memlekettiń quzyrly organynda memlekettik nemese ózge de tirkeýge jatatyn múlik deklaratsııada kórsetilýi tıis. Kórsetiletin múlik tizimine sondaı-aq, jyljymaıtyn múlik, jer ýchaskeleri jáne (nemese) jer úlesteri, áýe jáne teńiz kemeleri, ishki sýlarda júzý kemeleri, «ózen-teńiz» júzý kemeleri, kólik quraldary, arnaıy tehnıkalar jáne (nemese) tirkemeler, QR aýmaǵynan tys, sheteldik bankterdiń esepshotynda saqtalǵan barlyq banktik salymdary boıynsha respýblıkalyq bıýdjet týraly zańmen belgilengen jáne esepti salyq kezeńiniń 31 jeltoqsanyna deıingi qoldanystaǵy eń tómengi eseptik kórsetkishtiń 1000 eselengen aqsha qarajaty jatady.
Sonymen qatar, QR-ǵy jáne (nemese) onyń aýmaǵynan tys jerlerdegi múlikteri týraly, ıaǵnı turǵyn úı qurylysyndaǵy úleskerlik qatysý týraly kelisim boıynsha turǵyn-jaıdaǵy úlesi; QR aýmaǵynan tys jerlerde qurylǵan zańdy tulǵanyń jarǵylyq kapıtalyndaǵy qatysý úlesi, qundy qaǵazdar, týyndy qarjy quraldary (atqarylýy bazalyq aktıvti satyp alý nemese satý arqyly júrgziletin týyndy qarjy quraldarynan ózge), ınvestıtsııalyq altyn, ıntellektýaldyq menshik nysandary, avtorlyq quqyq týraly derekterdi kórsetý qajet.
Sondaı-aq, respýblıkalyq bıýdjet týraly zańda belgilengen jáne jeke tulǵanyń aktıvteri men mindettemeleri týraly deklaratsııa tapsyrǵan jyldyń aldyndaǵy jyldyń 31 jeltoqsanyndaǵy jaǵdaı boıynsha eseptelgen eń az eseptik kórsetkishtiń 1000 eselengen mólsherinen aspaıtyn mólsherdegi qolma-qol aqsha; QR-daǵy bankter jáne bank qyzmeti jónindegi Qazaqstan Respýblıkasynyń zańdaryna sáıkes qurylǵan bankter men bank operatsııalarynyń jekelegen túrlerin júzege asyratyn uıymdar aldyndaǵy bereshekterdi qospaǵanda, mindetteme nemese talap týyndaýyna negiz bolatyn, notarıaldy kýálandyrylǵan kelisimshart nemese basqa qujat bolǵan kezde jeke tulǵalardyń bireýler aldyndaǵy qaryzdary (kredıtorlyq bereshek) jáne (nemese) basqa tulǵalardyń jeke tulǵa aldyndaǵy qaryzdary (debıtorlyq bereshek) kórsetiledi.
Sondaı-aq, joǵaryda kórsetilgen tulǵalardyń birlik baǵasy respýblıkalyq bıýdjet týraly zańda belgilengen jáne esepti salyq kezeńiniń 31 jeltoqsanyna deıin qoldanysta bolatyn eń tómengi eseptik kórsetkishtiń 1000 eselengen mólsherinen asatyn óner týyndysy sekildi jáne t.b., qymbat baǵaly múlki bolǵan jaǵdaıda, eger ol Qazaqstan Respýblıkasynyń baǵalaý qyzmeti týraly zańnamasyna sáıkes baǵalaýshy men salyq tóleýshi arasyndaǵy kelisim boıynsha júzege asyrylǵan baǵalaý týraly esepte aıqyndalǵan mán bolsa, deklaratsııa tapsyrýshy ony óz erki boıynsha deklaratsııada kórsetýge quqyly.
Memlekettik nemese ózge tirkeýge jatatyn múlikti, sondaı-aq olar boıynsha quqyqtar jáne (nemese) mámileler memlekettik nemese ózge de tirkeýge jatatyn múlikterdi qospaǵanda.
Jalpyǵa birdeı deklaratsııalaýdyń birinshi kezeńine kiretin adamdar úshin turǵylyqty jeri (kelý orny) boıynsha deklaratsııany qaǵaz nusqada tapsyrý merzimi – 2021 jyldyń 15 shildesinen keshiktirmeı nemese elektrondyq nusqada – 2021 jyldyń 15 qyrkúıeginen keshiktirilmeýi tıis.
Odan ári, aktıvter men mindettemeler týraly Deklaratsııany (250.00 SEN) tapsyrǵannan keıin, osy sanattaǵy tulǵalar 2022 jyldyń 1 qańtarynan bastap jyl saıyn kiristeri men múlikteri týraly Deklaratsııa (270.00 SEN) tapsyrýy qajet bolady.