NUR-SULTAN. QazAqparat - Shveıtsarııanyń Lıýtsern qalasynda 2021 jyly ótkizilýi josparlanǵan Qysqy Ýnıversıada belgisiz merzimge keıinge shegerildi, dep habarlaıdy QazAqparat tilshisi.
Bul jóninde Halyqaralyq ýnıversıtettik sport federatsııasy (FISU) málim etti. Atalǵan sheshim dúnıejúzin alańdatyp otyrǵan koronavırýs pandemııasyna baılanysty qabyldanyp otyr. Ýnıversıada 2021 jyldyń 21-31 qańtar aralyǵynda ótkizilýi tıis bolatyn.
Dúbirli dodanyń qashan ótetini jaıynda ázirge naqty sheshim joq. Aldaǵy eki aıdyń ishinde mamandar buǵan baılanysty naqty sheshim qabyldaıtyn bolady.
Al 2023 jylǵy Qysqy Ýnıversıada AQSh-tyń Leık-Plesıd qalasynda ótedi dep josparlanǵan. Ol 2017 jyly Almaty qalasynda ótkizildi.
Sondaı-aq, 21 tamyzda fýtboldan Eýropa lıgasyndaǵy «Astana», «Qaırat», «Qaısar» klýbtarynyń qarsylastary anyqtaldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.